नभांची सहल

निळ्या नभांची निघाली सहल अवनीवर 

वा-याच्या गाडीत बसुन निघाले भरभर.

गार वा-याने सोडली गाडी सुसाट

धुक्याने मधेच अडवली त्यांची वाट.

ढगांनी मग केला जोरजोरात गडगडाट 

वीजेनी केला चिडुन कडकडाट.

सु सु करत वा-याने धुक्याचा पडदा कापला

द-या खो-यातुन नीट मार्ग आखला.

नभांना होताच हिरव्या डोंगराचा स्पर्श 

हरपले त्यांचे भान झाला त्यांना हर्ष .

आनंदाश्रू गळले निळ्या नभांतून

अवनी हसली त्या रुपेरी थेंबातून.