ഞാൻ ഉറങ്ങി

സ്വപ്നങ്ങളുടെ കുത്തി നോവിക്കുന്ന ശല്യമില്ലാതെ ഇന്നലെ ഞാൻ ഉറങ്ങി, 

ഭൂതകാലത്തിന്റെ മുറിവുകൾ ഓർക്കാതെ ഇന്നലെ ഞാൻ ഉറങ്ങി, 

ഭാവിയെകുറിച്ചാശങ്ക ഒട്ടുമില്ലാതെ ഇന്നലെ ഞാൻ ഉറങ്ങി, 

കണ്ണീരിന്റെ ഉപ്പുരസം രുചിക്കാതെ ഇന്നലെ ഞാൻ ഉറങ്ങി, 

സന്തോഷങ്ങളുടെ മായാലോകത്ത്‌ മുഴുകാതെ ഇന്നലെ ഞാൻ ഉറങ്ങി, 

തലയിന്മേൽ ചുമക്കാൻ പഠനഭാരം തീരെ ഇല്ലാതെ ഇന്നലെ ഞാൻ ഉറങ്ങി, 

സ്നേഹത്തിന്റെ വീർപ്പുമുട്ടലുകൾ ഇല്ലാതെ ഇന്നലെ ഞാൻ ഉറങ്ങി, 

ഇനി ഉണരേണ്ടതില്ലാത്തപോൽ ഇന്നലെ ഞാൻ ഉറങ്ങി.