ಮಾಡಬೇಕಾದುದು...

ಕನಸದುವೆ ಕಂಡಿಹೆನು, ಕಾಣುತ ಬೆಳೆಯುವೆನು

ಮಾಡಬೇಕಾದುದು ಉಳಿದಿದೆ,ಮಾಡಿಯೇ ತೀರುವೆನು

ನಡೆವ ದಾರಿಯಲಿ ಕಲ್ಲು ಮುಳ್ಳು, ಲೆಕ್ಕಿಸದೆ ಸಾಗುವೆನು

ಗಟ್ಟಿಯಾಗಿ ನಿಲ್ಲಲು ಎಲ್ಲವೂ ದೊರೆಯುವುದು...

ಒಂದೆಜ್ಜೆ ಇಟ್ಟಾಗ ಮುಂದಿನದು ಏಕೆನಿಸುವುದು

ಹಿಂದೆ ಸರಿದಾಗ ಆ ದಾರಿಯೇ ಸರಿಯೆನಿಸುವುದು

ಜಗವಿರುವುದಿಂದು ನಮ್ಮ ಉರುಳಿ ಬೀಳಿಸಲು

ಇಟ್ಟೊಂದು ಹೆಜ್ಜೆಯಲಿ ಗಟ್ಟಿಯಾಗಿ ನಿಲ್ಲಬೇಕು...

ಸಾಗಲೇ ಬೇಕೆಂದು ಧೃಡವಾಗಿ ನಿಂತಾಗ

ಎಲ್ಲೋ ಅನಿಸುವುದು ಸೋಲು ಬಂದರೇನೆಂದು

ತಿಳಿಯಲೇಬೇಕಿಂದು ಸೋಲಿನ ಭಯ ಬೇಡೆಂದು

ಮನವರಿಕೆಯಾಗಲಿಂದು ಮಾಡಬೇಕಾದುದೇನೆಂದು...