ಹುಟ್ಟುಹಬ್ಬ

ಸಂತಸದ ಉಯ್ಯಾಲೆ ನಿನ್ನೆಂದು ತೂಗುತಿರಲಿ

ಕೂಡಿಟ್ಟೆಲ್ಲಾ ಕನಸುಗಳು ಗರಿಬಿಚ್ಚಿ ಹಾರಲಿ

ಹರಸುವವರರಸಲಿ ಸ್ವಚ್ಛಂದ ಮನತುಂಬಿ

ಪ್ರೀತಿಯು ಹರಿಯಲಿ ಕ್ಷೀರಧಾರೆಯಾಗಿ...

ಚಂದ್ರನೊಮ್ಮೆ ನಿಂದು ಕೋರಲಿ ಶುಭಾಷಯ

ಚುಕ್ಕಿಗಳು ಎಣಿಸುವಂತಾಗಲಿ ನಿನ್ನ ಕೋರಿಕೆಗಳ

ಸೂರ್ಯನಿಂದು ಕಾದು ಹೇಳಲಿ ಶುಭೋದಯ

ಭುವಿಯೊಮ್ಮೆ ನಿಲ್ಲಲಿ ಸಂತಸವ ಮರಳಿಸುತ...

ಕೊಡಿಸಿಬಿಡಲೇ ನಿನಗೆ ಜಗದೆಲ್ಲಾ ಸಾಧನೆಯ

ಹರಸಲೇ ನಾನು‌ ಜಗದೆಲ್ಲ ಸಂಭ್ರಮವ

ಹುಡುಕಿ ಕೊಡಬಹುದೇ‌ ಜೀವನದ ಸಂತಸವಾ

ಮನತುಂಬಿ ಹರಸಲೇ ನಿನಗೆ ಶುಭಾಷಯವ...