ಸಮಯದ ಜೊತೆಯಲಿ

ಜಗವಿಂದು ಉದಯಿಸಿತು ಸೂರ್ಯನ ಬೆಳಕಿನಲಿ

ಸಂತಸವು ತುಂಬಿಹುದು ಚಂದ್ರನ ಬೆಳದಿಂಗಳಲಿ

ಕನಸುಗಳು ಹುಟ್ಟಿಹವು ಚಂದ್ರನ ಮಡಿಲಿನಲಿ

ಸಾಕಾರಗೊಳ್ಳುವುದು ಸೂರ್ಯನ ಮಾರ್ಗದರ್ಶನದಲಿ

ವಸಂತವದು ಶುರುವಾಯ್ತು ಚಿಗುರಿನ ಹಸಿರಿನಲಿ

ಸಂಭ್ರಮದ ಆದಿಯದು ಎಲ್ಲರ ಮನೆಗಳಲಿ

ತಂಪಾದ ಗಾಳಿಯದು ಸುಗ್ಗಿಯ ಸಂಭ್ರಮದಲಿ

ಸಂತೃಪ್ತಿ ಎಲ್ಲರಲಿ ಈ ಸೊಗಸ ಅಂತ್ಯದಲಿ

ಮರುಕಳಿಸಿ ಬಂತೊಮ್ಮೆ ನಿಸರ್ಗವು ಜನಿಸಿ

ಧರೆಯಿಂದು ಧನ್ಯಳು ವರುಣನ ಸ್ಪರ್ಷದಲಿ

ಕೃಷಿಯಿಂದು ಶುರುವಾಯ್ತು ಪೈರುಗಳ ಮೊಳಕೆಯಲಿ

ಖುಷಿಯೊಂದು ತುಂಬಿದೆ ರೈತನ ಮೊಗದಲಿ

ನಗುತಲಿವೆ ಹೊಲಗಳು ತುಂಬಿದ ತೆನೆಯಲಿ

ಎಲ್ಲರಲು ಸಂತಸವು ಪೃಥ್ವಿಯ ಮಡಿಲಿನಲಿ

ಸಮಯವದು ಸಾಗುವುದು ನಿಸರ್ಗದ ಜೊತೆಯಲಿ

ಎಲ್ಲರ ಪಯಣವೂ ಸಮಯದ ಜೊತೆಯಲಿ....