ಅಭಿನವಶ್ರೀ

ಹೊನ್ನರಳಿ ಶಿವನಿಚ್ಚೆ

ಚನ್ನೇಶ ಮಠದಲ್ಲಿ

ತನ್ನೊಳಗ ತೆರೆದಿಟ್ಟು ತಾಯಾದನೊ

ಅನ್ನರಿತು ಬ್ರಹ್ಮಾಗಿ

ಕಣ್ಣರಿದು ಕರುಣಿಟ್ಟು

ಮಣ್ಣಿದನ ಚಿನ್ನಿಸುವ ರಿಷಿಯಾದನೊ

ನೇಹಿತದಿ ಬಸವಣ್ಣ

ಮೋಹಿತಕೆ ಅಕ್ಕಾಗಿ

ಗೇಹದೊಳು ಸುಟ್ಟೆಸದ ಜಂಗಮಾದ

ರೂಹಿಟ್ಟ ಮದಕ್ರೋಧ

ಬಾಹಿರವ ಅಣಿದಿಟ್ಟು

ಸಾಹಸದಿ ಜಿನಗೆದ್ದ ನಗುಮೊಗದೊಳು

ಶಿವಚಂದ್ರ ಶೇಖರರ

ತವನಿಧಿಯ ಪೊಂದಿರ್ಪ

ಭುವಿಗೆಲ್ಲ ಬೆಳಗುತಿಹ ಶಿವಮಂತ್ರದೊ

ಇವನೊಳಗೆ ಅವನಿದ್ದು

ಭುವಿಸಲಹ ಅಣುರೇಣು

ಭುವಿಭಾನ ಪಂಚಭೂತರುದ್ರಯೋಗಿ

ಆಡಿದನೊ ಅಂಗಳದಿ

ಕಾಡಿದನ ಕಂಗಳಲಿ

ಮೋಡಿಯನೆ ಮಾಡಿದನ ನೇಹಿತರನು

ಕೂಡಿಕುಣಿದಾಡಿದನೊ

ಜಾಡಿಟ್ಟು ಆವಿಗೆಯ

ಕೋಡಿಮನ ತಪದೊಳಗ ಕಟ್ಟಿಸಿದನೊ

ಗಿರಿನವಿಲು ಕನಸಿಟ್ಟು

ಸಿರಿತನವು ಒಲ್ಲೆನುತ

ಮರೆತನದೊ ಹೆತ್ತೊಡಲ ಧಾರಿಣಿಗೆ ತಾ

ಅರಿವೊಂದೆ ಸಾಕೆನಗೆ

ಹರಕರುಣ ಬೇಕನೆಗೆ

ವರಬೇಡಿ ನಿಂತನೋ ಆಧ್ಯಾತ್ಮಿಯೂ

ಅಳೆಯಲ್ಕೆ ಧರ್ಮವನ

ತಳೆಸಲ್ಕೆ ಮುಕ್ತಿಯನ

ಮಳೆಸುರಿಸ ಧೇನಾದ ಯೋಗಿವರನೊ

ಸೆಳೆಯುತ್ತ ಶೈವಗಣ

ಹರಗಂಗೆ ನದಿಯಾಗಿ

ಹರಿವಿಟ್ಟು ಎದೆಹಸಿರ ಒಳನಿಂತನೊ