ಹಾರಿಬಿಟ್ಟ ಹಕ್ಕಿ

ಹಾರೆಲೆ ಹಕ್ಕಿಯೆ ಗರಿಗಳ ಬಿಚ್ಚುತ

ತೋರಿಸ ನಭವನ ಧರಿತಂದು

ತೂರುತ ಬಿಟ್ಟರು ಕಣ್ಣಿಯ ಸಡಿಲತ

ತಾರಗೆ ತಾಯಿಯ ತಬ್ಬೆಂದು

ರೆಕ್ಕೆಯ ಬಿಚ್ಚುತ ಸಾಗಲು ನಾನೂ

ಸಿಕ್ಕಿದೆ ಹದ್ದಿನ ಬಲೆಯಲ್ಲಿ

ಕುಕ್ಕಿತು ಬೆನ್ನನ ರಕ್ತವು ಕಾರುತ

ಬಿಕ್ಕುತೆ ಸಾಗಿದೆ ನೆಲೆ ಇಲ್ಲ

ಬಾಳಲು ಬಿಡದೇ ಸಾಯಲು ಕೊಡದೇ

ಗೋಳಿನ ಕಂಬನಿ ಮುಗಿಲಿಟ್ಟು

ತಾಳುತ ಉರಿಯನು ಜೀವವ ಸಾಗಿರೆ

ಆಲದ ಮರವದು ತಡೆದಿಟ್ಟು

ಎಲೆಗಳ ಹಸ್ತವ ಚಾಚುತ ಪೊರೆಯಿತು

ನೆಲೆಯನು ಕೊಟ್ಟಿತು ಬಾಳೆಂದು

ಸೆಲೆಸಿದೆ ನಾನದು ಮಲೆಗಳ ತಿರುಗುತ

ಗೆಲುವಿಗೆ ಬೆವರನೆ ಬಸಿತಂದು

ಎಕ್ಕುತ ಮಿಂಚಿನ ಗರಿಗಳ ತಂದದೊ

ತೆಕ್ಕಿಯ ಗೂಡನು ಕಟ್ಟಿದೆನು

ಹಕ್ಕಿಯ ಆಲದ ರೆಕ್ಕೆಯ ಮಡಿಲಲಿ

ಚಿಕ್ಕಿಯ ಅವ್ವಳ ಕಂಡೆನದೊ