Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

ಸಂತೋಷ್ ನಾಗರತ್ನಮ್ಮಾರ

Romance Classics Others

4.0  

ಸಂತೋಷ್ ನಾಗರತ್ನಮ್ಮಾರ

Romance Classics Others

ನನ್ನೊಲವೆ

ನನ್ನೊಲವೆ

1 min
776


ಕಣ್ಣ ರೆಪ್ಪೆಯ

ಒಳಗೆ ನನ್ನನ

ಒಮ್ಮೆ ಮುಚ್ಚಿಕೊ ಗೆಳತಿಯೆ

ಕಣ್ಣ ಕಂಬನಿ

ತಾರಲಾರೆನು

ನಿನ್ನ ಆಣೆಗು ನಾನದು

ಎದೆ ಚಿಪ್ಪೊಳ

ಒಮ್ಮೆ ಬಚ್ಚಿಕೊ

ಆಸೆ ಕನಸನ್ನಂತೂ

ಬತ್ತ ಬಿಡೆನಿದು

ಕೊಟ್ಟು ಜೀವವ

ನನ್ನ ಒಳಗಿಗೆ ಸೆಳೆವೆನು

ನಿನ್ನ ತನುವಿನ

ಬಣ್ಣ ಬಾನೊಳ

ನನ್ನ ಆಗಿಸಿಕೊ ನೀನು

ಮಳೆಯಬಿಲ್ಲನೆ

ಇಟ್ಟು ಹೆಜ್ಜೆಯ

ಏಳು ಕಟ್ಟುವೆ ಬಾಳನು

ಉಣ್ಮಿಸುವೆ ನಾ

ಸಗ್ಗ ಹಸಿರನು

ತುಟಿಗೆ ತುಟಿಯಾ ಹಚ್ಚುತ

ಮೈಯ ತುಂಬಾ

ಚುಕ್ಕಿ ಬಿತ್ತುತ

ಬಣ್ಣ ಬಾಳನೆ ಕೊನರುವೆ

ಕಣದ ನೆತ್ತರ

ಹನಿಯ ಸೀಳುತ

ನಿನ್ನ ಕರಮುಟ್ಟಿ ಗೆಳತಿ

ಒಯ್ದು ಬಿಡೆನೀ

ನನ್ನ ರಕುತದ

ರಂಗ ವಲ್ಲಿಯ ಚುಕ್ಕಿಟ್ಟು

ಕಣದ ಒಳಗಿನ

ಕಣ್ಣ ಗೊಂಬೇ

ನಿನ್ನ ಎದೆಗೇ ಕಾಣಲಿ

ತಮದ ದಾರಿಯ

ದಾಟಿ ಅಡಗಿಗೆ

ಸುಟ್ಟುರಿವೆನಾ ಕಪ್ಪಿಟ್ಟು

ಗೆಳತಿ ನೀನಿದೊ

ಜೊನ್ನ ಬೆಳಗಿಗೆ

ಕುಣಿದು ಕುಪ್ಪಳಿಸತಲಿರು

ಹೊಕ್ಕು ಒಮ್ಮೇ

ನನ್ನ ಎದೆಯ

ಮುರುಕು ಗುಡಿಸಲ ನೀನೂ

ಪ್ರೀತಿ ದೀಪವ

ಹಚ್ಚಿ ಹಸನಿಸಿ

ಬಿಟ್ಟು ಬಾ ಹೆಜ್ಜೆಗುರುತು

ಮನದ ಮಲ್ಲಿಗೆ

ದಳದಿ ಒಮ್ಮೇ

ನೆಲೆಯನಿಡು ಸಾಕೆನಗದೆ



Rate this content
Log in