ತೊಯ್ದ ಮುಗಿಲು

ತಣ್ಣನೆ ಗಾಳಿಯು

ಮಣ್ಣಿನ ವಾಸನೆ

ಕಣ್ಣಿಗೆ ಸೊಬಗಿನ ಮಳೆಇತ್ತದೊ

ನನ್ನನು ಹೊತ್ತದು

ಬಣ್ಣದ ವಾಹನ

ಟಣ್ಣನೆ ನೆಗೆತಿತ್ತು ಕುದುರೆಯಂತೆ

ಹನಿಹನಿ ಮಳೆಹನಿ

ನನ್ನೊಳ ಮನದಲಿ

ನೆನಪಿನ ತುಂತುರ ಬರೆಯುತಿತ್ತು

ಏನನೊ ಗುರುಗುಟ್ಟಿ

ನನ್ನಯ ಮನವದು

ಮೌನದಿ ಕುಳಿತಿತ್ತು ಬೆನ್ನೊರಗಿ

ಮೆದುಹೆಜ್ಜೆ ಹಾಕುತ

ಸುಧೆಯಂತ ಚೆಲುವಿಕೆ

ನದಿಯಂತೆ ನೆಡೆಯುತ ಬಂದಳಾರೊ

ಎದೆಗಳ ಸೆಳೆಯುವ

ಹಾಯ್ದದೊ ಹೋಗಲು

ಮದಿಲಿನ ಮುಗಿಲದು ಮನಚಾಚಿತೊ

ಅಂಗನೆ ಸೊಬಗಿಗೆ

ಚಂಗನೆ ನೆಗೆಯುತ

ಮಂಗನ ಮನವಿದು ಎದೆತಟ್ಟಿತು

ಹೊಂಗನ ನಿದಿರೆಯ

ಕಂಗಳ ಎವೆಯನು

ಮಂಗಳ ವಾರ್ತೆನೆ ಎದೆತೆರಿತೂ

ಒಳಗಡೆ ಸಕಲರ

ಬಳಗವು ಬೆಸೆಯತ

ಕುಳಿತಿದ್ದ ಪ್ರೀತಿಗೆ ಮನತೋರಿತು

ಕುಳಿಗೆನ್ನೆ ನಗೆಯಿರ

ತೆಳುನಡ ಬಳುಕಿರ

ಬೆಳಕಿನ ಮೊಗಪುಷ್ಪ ಕಂಪರಿತೂ

ಅಂಚೆಯ ಕಳುಹಿತು

ಪಂಚದ ಇಂದ್ರರೂ

ಪಂಚಾತಿ ಎದೆಬಳಿ ಬರಬೇಕೆಂದೂ

ಹಂಚಿತು ಎಲ್ಲಕೂ

ಮಿಂಚಿನ ಹಕ್ಕಿಯ

ಗೊಂಚಲ ಅಂದವ ಸವಿತಾರೆಂದೂ

ಕಣ್ಣವು ಹೊಂಟವು

ಬಣ್ಣದ ಬೆಳಗಿನ

ಹುಣ್ಣಿವೆ ಸೊಬಗಿಯ ಕಾಣತವಕ

ಹೆಣ್ಣನು ಕಂಡವು

ಬಣ್ಣನೆ ಬರದೆಯೆ

ಬಣ್ಣದಿ ಬರೆದವು ಪಠಚಿತ್ರಕಾ

ಕಿವಿಯಿವು ಹರಿದವು

Advertisement

ಭುವಿಇನಿ ಆವುದೂ

ಸವಿಸೊಲ್ಲ ತರಲೆಂದು ಹಿಗ್ಗುತಲಿ

ಭುವನದ ಸುಂದರಿ

ಯವನದ ಕೋಕಿಲ

ಸವಿನುಡಿ ದನಿಯನೆ ಮೊಗೆದವದೊ

ಇನಿದನಿ ಕೇಳುತ

ಮನಕೋಣೆ ತುಂಬುತ

ಹನಿಹನಿ ಬಾನುಲಿ ವರದಿಹೊತ್ತೂ

ಇನಿಯಳ ಅಳತೆಗೆ

ಘನತೆಯ ಮೃದುತೆಯ

ಗೊನೆಸುತ ಬೆಳೆದವು ಕಲರವವಾ

ನಾಸಿಕ ಹಿಡಿದಿತು

ಮೂಸುತ ತನುಕಂಪ

ಸಾಸಿರ ದಳಕಂಜ ಅರಳಿರುವಾ

ಮೀಸೆಯ ಕುಡಿಗದು

ಆಸೆಯ ಹಾಲಂಟಿ

ಸೂಸಿತು ತೇಜವ ಗಂಧರ್ವಳ

ಸೋಕಲು ಬೆರಳದು

ನಾಕದ ಲತೆಮಿಂಚು

ಜೀಕಿಗೆ ಜೋಲಿಯ ಕಟ್ಟಿತದೂ

ಆಕೆಯ ಅರಸಿಯು

ಜೋಕೆಯ ಮಾಡೆನೆ

ಬಾಕಿಯ ಚುತ್ತಿಗೆ ಇಟ್ಟಿತದೊ

ನುಲಿದಿತು ಜಿಹ್ವೆಯು

ಸೆಲೆಯಲ್ಲ ಒಳಗೊಂಡು

ಬೆಲೆಯುಳ್ಳ ಹೆಣ್ಣಿದು ಅಳತಿಸಿತೂ

ಒಲವೆಲ್ಲ ಒಳಗೊಂಡ

ಚೆಲುವೆಲ್ಲ ಸೆಲೆಕಂಡ

ಮಲೆಸೀಮೆ ಹಸಿರೆನೆ ತೂಕಿಸಿತೊ

ಹಸಿರೊಳ ತೂರುತ

ಮಸಿಕಪ್ಪು ಥಾರಲಿ

ಹಸಿನೆಂದು ಬೈಕೊಳ ತೇಲಿದೆನು

ಹಸನ್ಮುಖಿ ಗೆಳತಿಯ

ಬೆಸೆಯಲು ತಂತ್ರವು

ಹೊಸತದಿ ಹುಡುಕುತ ಹಾರಿದೆನು

ಮಳೆಯದು ಜಿಟಿಜಿಟಿ

ಸೆಳಯಿತು ವನಗಾನ

ಫಳಫಳ ಬಿಡುತಲಿ ಕಣ್ಣೆರಡಾ

ಒಳಗಿನ ಮನದೆಲ್ಲ

ತೊಳಲಿಗೆ ಮಾರಿಯ

ಸೆಲೆಬಿಚ್ಚಿ ಮಾಯವೆ ಆದೆನಂದೂ

ಯೇರಿ ಹಾರಿದೆ ಹಸಿರೊಳ