STORYMIRROR

Shivanand karurmath

Classics Inspirational Others

4  

Shivanand karurmath

Classics Inspirational Others

ಹಸುರೇ ಉಸಿರು

ಹಸುರೇ ಉಸಿರು

1 min
603

ಹಸುರೇ ಉಸಿರು

ಬನ್ನಿರಿ ಮಿತ್ರರೆ ಧಾರಣ ಧರಣಿಗೆ

ಶಿರವನು ಬಾಗಿ ನಮಿಸೋಣ

ಪುಣ್ಯದ ಫಲವೇ ಇಲ್ಲಿನ ಜನನ 

ಸಾರ್ಥಕ ಜೀವನ ನಡೆಸೋಣ


ಮನುಕುಲದ ಒಳಿತಿಗೆ

ಗಿಡ ಮರ ಸಲಹುತ

ಶುದ್ಧ ನೀರು ಗಾಳಿ ಬೆಳಕಿಗೆ

ನಾವೇ ಸಾಕ್ಷಿಯಾಗೋಣ


ಪ್ಲಾಸ್ಟಿಕ್ ಮಾರಿಯ ತೊಲಗಿಸಿ ನಾವೆಲ್ಲ

ಫಲವತ್ತತೆ ಭೂಮಿಯ ಉಳಿಸೋಣ

ಹೊಗೆಯನು ಉಗುಳಿ ಹೋಗದೆ ನಾವು

ಹೊಂಬೆಳಕಿನ ಮುನ್ನುಡಿ ಬರೆಯೋಣ


ಬೆಟ್ಟಗುಡ್ಡ ನದಿ ನಾಲೆಯ ಉಳಿಸುತ

ನಿಸರ್ಗ ನೀಡುವ ಶುದ್ಧತೆ ಬಳಸುತ

ಕಣಕಣ ಲವಣವ ಸವಿಯೋಣ

ಪ್ರಾಣಿ ಪಕ್ಷಿಗಳ ಉಳಿಸಲು ಬೆಳೆಸಲು 

ಹೊಸ ಮುನ್ನಡಿಯನು ಬರೆಯೋಣ


ಜೀವದ ಜಲವು ಬೇಕಿದೆ ಮುಂದು

ಕಳೆಯದೆ ಉಳಿಸೋಣ ನಾವಿಂದು

ಮರಗಿಡ ಕಡಿದು ಮಳೆಯನು ಕಳೆಯದೆ

ಉಸಿರಿಗೆ ಹಸಿರನು ಉಳಿಸೋಣ 


ತೋರಣ ಕಟ್ಟಲು ಎಲೆಗಳು ಬೇಕು

ಬನ್ನಿಮುಡಿಯಲು ಮರಗಳು ಬೇಕು

ಮೂಡುವ ಕಂದನ ನಗುಮೊಗ ನೋಡಲು 

ಬಿದಿರಿನ ತೊಟ್ಟಿಲು ಕಟ್ಟಲೆ ಬೇಕು

ಬನ್ನಿರಿ ಮರಗಿಡಬಳ್ಳಿಯ ಬೆಳೆಸೋಣ

ಸಮೃದ್ಧ ಧರೆಯನು ಉಳಿಸೋಣ.


Rate this content
Log in

Similar kannada poem from Classics