શ્રેષ્ઠ સર્જન
શ્રેષ્ઠ સર્જન
શ્રેષ્ઠ સર્જન ઇશનું તોય કાં કરગરે ?
થૈને માનવ તું પગ પારોઠ કાં ભરે ?
સૌથી અધિક બુદ્ધિમતા છે તુજમાં,
તોય નિષ્ફળતા મળતાં તું કાં ડરે ?
તું ધારે તે કરનારો માનવ જગમહીં,
તોય પામવા કાજે તું શિરને કાં ધરે ?
"હાજી હા" ને દેજે સાવ હટાવી તું,
સાચું સન્મુખ કહેતાં કાં થરથરે ?
કર્મપથનો પથિક પ્રયત્નગામી છો,
પાણીમાં ના બેસતો વખતે ખરે ?
સફળતા તારી રાહ જુએ ત્યાંને,
પથ્થરમાંય પ્રાણ પૂરીશ આખરે.