તો શું ?
તો શું ?
પહેલું તીર નિશાને ન લાગ્યું તોશું ?
ફરી ફરી કોશિશ તો કરાય જ છે.
એક વાર માળો વીંખાઈ ગયો તો શું ?
ચકલી ફરીફરી માળો ગુંથતી રહે છે.
એકવાર જાળું પડી ગયું તો શું ?
કરોળિયો ફરી નવો બાંધી લે છે.
એકવાર મધપુડો પકડાયો તો શું ?
મધમાખી નિતનવા બનાવતી રહે છે.
એકાદ પાંદડી પડી ગઈ તો શું ?
એજ કમળ પ્રભુને ચડાવાય છે.
એક ફૂલ પૂર્ણ ના ખીલ્યું તો શું ?
કળી હારમાં તો ગુંથાઈ જાય છે.
એકવાર પાનખર આવી તો શું ?
ફરી ફરી વસંત આવતી રહે છે.
એક કે વધુ તીર નિશાને ન લાગ્યા તો શું ?
ફરીફરી કોશિશથી ધાર્યુ નિશાન લાગે છે.
એકવાર નિષ્ફળતા મળી તો શું ?
કોશિશથી જ માનવી મહાન થયા છે .