આપણે મન
આપણે મન
આપણે મન જે વને વન બસ ભટકતો હોય છે,
એ કલંદર જેમ દુનિયાથી સરકતો હોય છે,
થાય છે બસ એટલી બાબતનું કાયમ દુ:ખ મને,
કેમ માણસ ને ફકત માણસ ખટકતો હોય છે,
ચિત્ર આખેઆખું બદલી જાય છે આંખો સમક્ષ,
આદમી જયાં એક બે પાંપણ જપકતો હોય છે,
હોય છે લાખો વિમાસણ જિંદગીની ગોદમાં,
પ્રેમના મુદ્દાથી માણસ ક્યાં અટકતો હોય છે,
આદમીનાં દંભ ની શું વાત કરવી દોસ્તો,
ચાંદલો જયાં સુર્ય ના તેજે ચમકતો હોય છે,
થૂંકનાં સાંધા કરે છે જીંદગી 'મહેબુબજી',
એટલે હર કોઈ માથાને પટકતો હોય છે.