મખમલી ખયાલ
મખમલી ખયાલ
એક મખમલી ખ્યાલ અમથો જ એનાં મધુર સંસ્મરણનો
ખાલીપાની ખલીશોમાં ખળભળાટ કેવો મચાવી ગયો
તાલાવેલી તુજને મનથી મળવાની ઉગી નીકળી અંદર
વિચાર એ બે ઘડી મનેં થોડુંક વધારે જીવાડી ગયો
ઠંડી ઠંડી હવાનો આ વરસતો કેવો વરસાદી વાયરો
ને એકાંતના માહોલ વચ્ચે આજ હૈયું સળગાવી ગયો
એક ઝંઝાવાત ની:શબ્દનો ઉઠ્યો મુજ મન મહી ને
આ હવાના કેનવાસ પર ઇન્દ્રધનુષી કવિતા લખી ગયો
ને પછી કેવી દાદ હતી એની યાદ કેરા અસ્તિતવની
કેફ અંતરની ઉદાસીનો પણ પછી આનંદ આપી ગયો
ઋતુ ને આ વરસાદને ક્યાં રહ્યો છે કોઈ સંબંધ હવે
ને વરતારો માવઠાંનો મને આજે પણ ડુબાડી ગયો
"પરમ" નશો તારા નામનો છે જ કૈક એવો હજુ પણ
એની આંખનો એક જ ઈશારો મને "પાગલ કરી ગયો