યાદોના છે ઉતારા
યાદોના છે ઉતારા
આ એ જ છે હવા કે, જેમ છે શ્વાસ મારા
શ્વાસો ઉપર, તમારી યાદોના છે ઉતારા.
આ મેઘલી છે મોસમ,કેમે સહન એ થાયે,
જાણે હવે આ બુંદો, હો રેશમી તિખારા.
છલકાયું જો હ્રદયતો , ઉભરાયું એ નયન થી,
આ આંસુઓ અમારા, છે પ્રેમની એ ધારા.
આ યાદ તો તમારી ,લઇ જાય છે અમોને,
એવું જગત કે જ્યાં છે, પ્રેમી તણાં સહારા.
આ આંખ છે સુરાલય, હોઠો ભલા પૈમાના,
આ કેફ કાં ન થાયે, સાકી તમે અમારા.
એવું જીવન જીવો કે, આ પ્રેમીઓને લાગે,
જીવન 'ધમલ' તમારું, પ્રેમી તણાં ગુજારા.