હે સહિયર મોરી રે

હે સહિયર મુને લઈ જા રે

આજ મારે જાવું રે, નોરતે

હે સહિયર મોરી રે..

મુને લઈ જા રે નવલી નવરાત,

સોળે શણગાર મે, 

સજ્યાં વાલમ કાજ,

જોશે વાટલડી આજ, સાયબાજી મારા,

હે સહિયર મોરી રે..............

મુને લઈ જા રે નવલી નવરાત,

સફેદ તે સાડલાં,

આજ અમે ઓઢ્યાં રે

પવિત્ર જે કહેવાય,

હે સહિયર મોરી રે............

મુને લઈ જા રે નવલી નવરાત,

મારી આંખોમાં,

શમણાં હજારો,

દિલના ધબકારા,

પિયું તારા નામના,

હે સહિયર મોરી રે..........

મુને લઈ જા રે નવલી નવરાત,

મા ના તે ગરબે,

અમે રે રંગાશું,

રમશું આખી રાત,

શમણાં સજાવી,

હે સહિયર મોરી રે..........

મુને લઈ જા રે નવલી નવરાત,

પવિત્રતા પ્રેમની,

વરસાવી તમે ગયાં,

શુદ્ધ નયનો તણો,

સાગર છલકાઈ ગયાં,

હે સહિયર મોરી રે.........

મુને લઈ જા રે નવલી નવરાત.