ୟୁକ୍ରେନର ଆର୍ତ୍ତନାଦ

     

ରହି ଉର୍ଦ୍ଧ୍ୱେ ଦେଖୁଛକି ପ୍ରଭୁ ପରାତ୍ପର l

ଛାରଖାର ହୁଏ ତୁମ୍ଭ ସୁନ୍ଦର ସଂସାର ll

କୃଷ୍ଣ ସାଗରର ଜଳ ହୋଇଲା ଲୋହିତ l

ନେପରନଦୀ ସରିତେ ବହେ ଲାଲରକ୍ତ ll

ୟୁକ୍ରେନର ବକ୍ଷୁ ଶୁଭେ ନର ଆର୍ତ୍ତନାଦ l

ଆକାଶେ କଳାବାଦଲ ଘୋର ବଜ୍ରନାଦ ll

ଦାନଵ ସାଜିଛି ଆଜି ବିଜ୍ଞାନୀ ମାନବ l

ନରରକ୍ତେ ହୋଲିଖେଳି ରଚିଛି ତାଣ୍ଡବ ll

ଧରାଶାୟୀ ରମଣୀୟ କ୍ୱିଇଭ ନଗରୀ l

ବାସ,ବାସ୍ତୁହରା ଆଜି ଶିଶୁ,ନର,ନାରୀ ll

ଚତୁର୍ଦିଗେ ଶୁଭେ ଖାଲି ନର ହାହାକାର l

ୟୁକ୍ରେନଦେଶ ଗୋଟିକ ଆଜି ଛାରଖାର ll

କି ଲାଭ ମିଳିବ ଯୁଦ୍ଧେ ନାହିଁ କିଛି ଜଣା l

ଆମେରିକା,ଋଷିଆର ମନେ କି କଳ୍ପନା ll

ଲାଗେ ସତେ ଏହି ଯୁଦ୍ଧ ବିଶ୍ୱ ଯିବ ଗ୍ରାସି l

ଠୁଳ ହୋଇଲେଣି ଦେଶ ପ୍ରାୟ ସଂଢୁଆସି ll

ଢମ୍ ଢମ୍ ବୋମା ମାଡ଼ ଶସ୍ତ୍ରର ପ୍ରହାର l

ବିଲ,ବନ,ପ୍ରାନ୍ତରରେ ଢେଉ ବୈଶ୍ୱାନର ll

ନଭଶ୍ଚୁମ୍ଭି ଅଟ୍ଟାଳିକା ଭୂମେ ଯାଏ ମିଶି l

ମୃତ୍ୟୁର ତାଣ୍ଡବଲୀଳା ନାହିଁ ଦିବା ନିଶି ll

କ୍ଷମତା ଲଢ଼େଇ ସିନା ନର ଅହଂକାର l

କ୍ଷଣିକେ ଭଷ୍ମ ହୋଇବ ଯଥା ଭସ୍ମାସୁର ll

ହେ ଈଶ୍ୱର ଦୟାକର ବାରେ ଦୟାମୟ l

ଚିର ଦିନ ପାଇଁ ଯାଉ ବିଶ୍ୱେ ଯୁଦ୍ଧ ଭୟ ll

ୟୁକ୍ରେନବାସୀ ଡ଼ାକୁଛୁ ଉର୍ଦ୍ଧ୍ୱେ ଟେକି କର l

ନିରେଖ ହୋଇଲୁ ରଖ ଆହେ ଚକ୍ରଧର ll