ଲାଇବ୍ରେରୀ
ପ୍ରୋଫାଇଲ୍
କାଗଜ ଡ଼ଙ୍ଗା
କାଗଜ ଡ଼ଙ୍ଗା
1 min
518
କାଗଜ ଡ଼ଙ୍ଗା ମୁଁ ଭାସି ଭାସି ଯିବି
ଜୀବନ ନଈର ଧାରେ
ଉଠାଣି ଗଡା଼ଣି ପଥ ଡେଇଁ ଡେଇଁ
ବହି ଯିବି ସୁଅ ପରେ !!
ଆଗରେ ରହିଛି ବନ୍ଧୁର ପଥର
ଦୁଃଖ କଷ୍ଟ ଓ ଯାତନା
ସୁଅର ସାଥେ ମୁଁ ଆଗକୁ ଚାଲିବି
ପ୍ରତିରୋଧ ମୁଁ ଜାଣେନା !!
ପ୍ରତିକୂଳ ଆଉ ଅନୁକୂଳ ସାଥେ
ଡ଼ଙ୍ଗା ମୋ ଯିବ ମାଡି
ରହି ଯିବ ଖାଲି ପାଦ ଚି଼ହ୍ନ ମୋର
ଜୀବନଟା ଗଲେ ଛାଡି !!
ପାପ ପୁଣ୍ୟର ନିକିତି ତଉଲି
କରୁଥିବି ମୋର କର୍ମ
ଜୀବନ ଡ଼ଙ୍ଗା ମୋ ସୁଖରେ ଚଳିବ
ଧରିଥିଲେ କାତ ଧର୍ମ !!
