ସୁଖର ଦିନ

ସୁଖର ଦିନ ସବୁ ପୁଣି ଫେରିବ

            ମଣିଷ ଜୀବନ ପଥେ

କେଜାଣି କେବେ ସେଇ ଦିନ ଆସିବ

          ଜଣା ବି ତ ନାହିଁ ମୋତେ ।

ବିଗତ ବେଳାର ପ୍ରୀତି ମନେ ପଡେ

          ଗୋଧୂଳି ବେଳାରେ ନୀତି

ରଜନୀଗନ୍ଧାର ମହକେ କେମିତି

           ପାହି ଯାଉଥିଲା ରାତି ।

ଜୀବନ ବୀଣାର ସୁର ଲମ୍ବୁଥିଲା

        କାହିଁ କେତେ କୋଶ ଯାଏ

ଫୁଲ ଫଗୁଣରେ ଦିନ ବିତୁ ଥିଲା

           ଗାଆଁ ରୁ ସହର ଯାଏ ।

ଅବୁଝା ମନ ବି ବୋଲି ମାନୁଥିଲା

          ଛନ୍ଦ ଭରି ସେ ଜୀବନେ

କୁଆଡୁ ଆସିଲା କରୋନା କେଜାଣି

           କଷଣ ଭରିଲା ମନେ ।

ଆଗକୁ କିହେବ ଜଣାବି ପଡୁନି

           ଭୟ କମୁ ନାହିଁ ଏଠି

ସଂସାର ସାଗରେ ଲହଡି ଉଠିଛି

         ସୁଖ ଦେଇ ଦୂରେ ଛାଟି ।