ଦୁଇଧାର ଲୁହ

ଲୁହ ଦୁଇଧାର ଧୋଇଦିଏ,  ଜୀବନର କେତେ ପାପ 

ଲୁହ ଦୁଇଧାର କହିଦିଏ, ଜୀବନର ଅବଶୋଷ ।

ଲୁହ ଦୁଇଧାର ବୋହିଗଲେ, ଚାଲେ ବିଶ୍ୱାସର ନିଶ୍ୱାସ 

ଲୁହ ଦୁଇଧାର ନିଗିଡିଲେ, ବନ୍ଦହୁଏ ମନ ବିବେକ ସଂଘର୍ଷ ।

ଲୁହ ଦୁଇଧାର ପଣତ କୁ ଛୁଇଁ, ବାତ୍ସଲ୍ୟ ମମତା ସ୍ପର୍ଶ 

ଲୁହ ଦୁଇଧାର ଦେଇ ପଦେ,ଠାକୁର ପୂଜାରେ ଭକ୍ତି ଅଶେଷ ।

ଲୁହ ଦୁଇଧାର ଗଡ଼ିପଡ଼େ, ଦୁଃଖ ସୁଖ ବେଳାର ହସ 

ଲୁହ ଦୁଇଧାର କହିଦିଏ, ମନ ତଳେ ନିଆଁ ଧାସ ।

ଲୁହ ଦୁଇଧାର ବୁଝିଥାଏ, ଜୀବନର ଦୁଇ ପାର୍ଶ୍ୱ 

ଲୁହ ଦୁଇଧାର କହିପାରେ, ସତ୍ୟର ସାରଥୀ ବଶ ।

ଲୁହ ଦୁଇଧାର ବଖାଣେ, ଜୀବନେ ଆସେ କେବେ ଅଣଚାଷ 

ଲୁହ ଦୁଇଧାର ସମାଧିପୀଠରେ, ମନେ ପକାଇ ପିତୃପୁରୁଷ ।

ଲୁହ ଦୁଇଧାର ବୁଝିଥାଏ, ଆଖିପତା ନୀରବତା ଭାଷ

ଲୁହ ଦୁଇଧାର ଆଣିଦିଏ, ଅନୁଭୂତି ଦୀର୍ଘଶ୍ଵାସ ।

ଲୁହ ଦୁଇଧାର ବୁଝିଥାଏ ଯିଏ, ଜାଣେ ପ୍ରେମ ପ୍ରଣୟ ବିଶେଷ୍ୟ 

ଲୁହ ଦୁଇଧାର, ପଣତରେ ମୋର, ବାରିଧାରା ଭଗଶେଷ ।