ଯାହା କହି ହୁଏନା
ଯାହା କହି ହୁଏନା
ଏମିତି ଅନେକ କଥା
ଯାହା କହି ହୁଏନା
କି ସହି ହୁଏନା |
'ସ୍ମୃତି'ର କିତାବରେ
ହୃଦୟ ର ସ୍ପନ୍ଦନ ରେ
ଦିନର କୋଳାହଳ ରେ
ରାତିର ନିସ୍ତବ୍ଧ ପ୍ରହର ରେ
'ପଥର'ର ପାହାଡ଼ ଗୁମ୍ଫା ରେ
'ଏମିତି ଅନେକ କଥା
ଯାହା କହି ହୁଏନା !
'ବାଲ୍ୟକାଳ'ର ଲୁଚକାଳି
ବୋହୂ ବୋହୂକା ଖେଳ
"ଯୌବନ"ର ପ୍ରେମର ବନ୍ୟା
ଆକାଶେ ଉଡିବାର ସ୍ବପ୍ନ
"ବାର୍ଦ୍ଧକ୍ୟ"ର ନିଷ୍ଠୁର
ବନ୍ଧନର 'ଜୁଆର'-- ଭଟ୍ଟା
'ସମ୍ପର୍କ'ର ଭଲ ପାଇବାର
ସୁଦୃଢ ନିବିଡ଼ତା --
'କୁଆଁରୀ' ଜୀବନର .
ବସନ୍ତ ରାଗିଣୀ
ଏମିତି ଅନେକ କଥା
ଯାହା କହି ହୁଏନା ||
ଅତୀତର 'ଇତି' କଥା
ପ୍ରତ୍ୟେକ ମୁହୂର୍ତ୍ତର ବ୍ୟଥା
ମନ ଖୋଜେ ଆକାଶର
'ପୂର୍ଣ୍ଣିମା'ର 'ଜହ୍ନ' ଭିତରେ
'ଅମାବାସ୍ୟା'ର 'ତାରା' ଭିତରେ
ସୂର୍ଯ୍ୟୋଦୟର ଆଲୋକ ଭିତରେ
ସେ ସବୁ ସ୍ମୃତି --
ଅଭୁଲା କିମ୍ବଦନ୍ତୀ ---
ଏମିତି ଅନେକ କଥା
ଯାହା କହି ହୁଏନା