ଲାଇବ୍ରେରୀ
ପ୍ରୋଫାଇଲ୍
ଉଠ୍ ମାଆ
ଉଠ୍ ମାଆ
1 min
326
ତୁ ଏମିତି କି ନିଦରେ ଶୋଇଛୁ ଯେ
ଯେତେ ଡାକିଲେ
ଜମା ଉଠୁନୁ ?
କଣ ହୋଇଛି ତୋର ?
ଦେହ ଭଲ ନାହିଁ କି ?
ସୂର୍ଯ୍ୟ ପରା ତୋତେ ଦେଖି ଉଠେ !
ଦେଖେ ଖରା ଚାଳ ଉପରେ
କଖାରୁ ଫୁଲ ତୋଳୁଛନ୍ତି
ତୁ ଉଠିନୁ ଯେ!
ତୁ ଏମିତି କି ସ୍ୱପ୍ନ ଦେଖୁଛୁ ଯେ
ମୁଦିଲା ଆଖି ତୋର ଖୋଲୁନି?
ଓଠରେ କଥା ନାହିଁ
ଯନ୍ତ୍ରଣା ଜମାଟ ବାନ୍ଧିଛି ସେଠି
ଅବୁଝା ଅବୁଝା
ଭାଷା ଲାଖିଛି
ଯାହା ପଢି ପାରୁନି।
ଏ ମାଆ ଉଠ୍ ନା
ମୋତେ ଖାଇବାକୁ ଦେ
ମୁଁ ବା ସ୍କୁଲ ଯିବି ?
ମୋ ବ୍ୟାଗ୍ ସଜାଡି ଦେ
ଟିଫିନ୍ କରିଦେ
ବସ୍ ଆସିବା ଟାଇମ୍ ହେଲାଣି ।
ହେଇଟି ମାଆ ବସ୍ ହର୍ଣ୍ଣ ଦେଲାଣି
ତୁ ଉଠି ପଡ଼ ମାଆ
ମୋତେ ବେଗି ବେଗି ସଜ କରି ଦେ
ବାପାଙ୍କୁ ଲୁଚେଇ ପଇସା ଦେବୁ ନାହିଁ
କୁରକୁରି ଖାଇବି।
ମାଆ ଉଠ୍
ଉଠ୍ ମାଆ
ମୋତେ ଜୋରେ ଭୋକ।
