ଉତ୍କର୍ଷୁ ସାହିତ୍ଯ

ସାହିତ୍ଯ ଚେତନା ସାହିତ୍ଯ ସାଧନା

ସୁସାହିତ୍ଯ ସୁଦର୍ଶନ 

ସାହିତ୍ଯ ସଂଯୋଗେ ଦିବ୍ଯ ମାନବତା

ସମ୍ଭବନ୍ତି ରାମକୃଷ୍ଣ ।

ଉଦ୍ଭବେ ସାହିତ୍ଯ ପଙ୍କରେ କମଳ

ପ୍ରେମପ୍ରୀତି ପାରିଜାତ 

ଉନ୍ମୋଚେ ସାହିତ୍ଯ ଦିବ୍ଯ ଜ୍ଞାନ ଚକ୍ଷୁ

ପ୍ରକାଶେ ଆଲୋକ ସତ୍ଯ ।

ନିର୍ଝରେ ଅମୃତ କାବ୍ଯ ସୁସାହିତ୍ଯ 

ବେଦଶାସ୍ତ୍ର ରାମାୟଣ 

ଗୀତୋପନିଷଦ ଅମର ଗାଥାରେ

ସାହିତ୍ଯ ସୃଜେ ଜୀବନ ।

ପ୍ରକାଶେ ସାହିତ୍ଯ ବିକ୍ରମ ଆଦିତ୍ଯ 

ନବରତ୍ନ ସୁପ୍ରତିଭା

ସାହିତ୍ଯ ବିହୁନେ ସୃଷ୍ଟି ଦିଶାହୀନ

ରାଜନୀତି ହୀନପ୍ରଭା ।

ଉତ୍କର୍ଷେ ସାହିତ୍ଯ ଜୀବନ ଆଦର୍ଶ 

ଦିବ୍ଯ ମହନୀୟ ଗୁଣ

ନ ହେଲେ ଆଦୃତ ସମାଜେ ସାହିତ୍ଯ 

ଗ୍ରାସେ ଅବିମୃଶ୍ଯପଣ ।

ସାହିତ୍ଯର ବିନା ଜୀବନ ଅଧୁରା

ପାଲଟେ ନର ରାକ୍ଷସ 

ରସାତଳଗାମୀ ହୁଅଇ ସମାଜ 

ମଣିଷ ବିନାଶ ଧ୍ବଂସ ।