ଉତ୍କଳ କେଶରୀ ଡକ୍ଟର ହରେକୃଷ୍ଣ ମହତାବ

           ଉତ୍କଳ କେଶରୀ
    ଡକ୍ଟର ହରେକୃଷ୍ଣ ମହତାବ
      ==============
ଆହେ ହରେକୃଷ୍ଣ ଉତ୍କଳ କେଶରୀ ।       
    ମହତାବ ତୁମ୍ଭେ ଜାତି ମହତାରି ।।
ନବ ଉତ୍କଳର ତୁମେ ହିଁ ନିର୍ମାତା ।
  ତବ ଜନ୍ମଦିନେ ମନେପଡ଼େ କଥା ।।
ଜାତି ଇତିହାସ ତୁମେ ପରା ଲେଖି।
    ଉତ୍କଳ ମାତାଙ୍କ କଥା ଗଲ ରଖି ।।
ତବ ଇତିହାସ ପଢ଼ିଥିଲି ଦିନେ ।
 ପୁଷ୍ଟ ପୃଷ୍ଠା ଯାର ବହୁ ଉପାଖ୍ୟାନେ ।।
ତୁମ୍ଭ ପରି ଆଉ କିଏସେ ହୋଇବ ।   
    ଜନନୀର ଗାଥା ଜଗତେ କହିବ ।। ବସାଇଲ କେତେ କଳ କାରଖାନା।   
   ହୀରାକୁଦ ବନ୍ଧ ତୁମ୍ଭରି ଯୋଜନା ।। ଭୁବନେଶ୍ବରରେ ନୂଆ ରାଜଧାନୀ ।
   କଟକ ନଗରରେ ଆକାଶ ବାଣୀ ।।
ଧନ୍ୟ ଧନ୍ୟ ସେହି ଭଦରକ ମାଟି ।
      ଉତ୍କଳର ପଦ୍ମ ଯହିଁ ଥିଲା ଫୁଟି ।।
ପାଇଅଛ କେତେ ସନନ୍ଦ ସମ୍ମାନ ।
   ନିଜ ଗୁଣେ ଗୁଣି ତୁମ୍ଭେ ମହିୟାନ ।। ଲେଖିଅଛ ବହୁ ଗଳ୍ପ ଉପନ୍ୟାସ ।
      ବିଷୁବ ମିଳନ କବି ସମାବେଶ ।। ସାମ୍ବାଦିକତାରେ ନାହିଁ ପଟାନ୍ତର ।
      ପ୍ରଜାତନ୍ତ୍ର ଗାଏ ପ୍ରତିଭା ତୁମ୍ଭର ।।
ବମ୍ବେ ପ୍ରଦେଶର ଶାସନ ଶୃଙ୍ଖଳ ।
    ପ୍ରଥମ ଓଡ଼ିଆ ତୁମ୍ଭେ ରାଜ୍ୟପାଳ।। ଭଦରକେ ରାଜେ ବାଣୀଙ୍କ ମନ୍ଦିର ।
    ଚିର ସ୍ମରଣୀୟ ତୁମ୍ଭେ ଏ ଜାତିର ।।
ଉତ୍କଳ ଜନନୀ ଯୋଗ୍ୟତମ ସୁତ ।     
    ଜନ୍ମଦିନେ କରୁ ଆମ୍ଭେ ପ୍ରଣିପାତ ।।
              🙏🙏🙏
                  ଅର୍ଜୁନୀ
               -------------
ଅର୍ଜୁନୀ ଚରଣ ବେହେରା
ମୋ -7693091971