ଉତ୍କଳ ଗୌରବ

ଓଡ଼ିଆ ଭାଷାକୁ ଓଡିଶାକୁ ତୁମେ ହିଁ ତ ଦେଇଥିଲ ସମ୍ମାନ

ହୃଦୟରେ ମନେ ପଡୁଅଛ ଭୀଷ୍ମ ପିତାମହ ମଧୁସୂଦନ ।

ଓଡ଼ିଆ ଭାଷା ପାଇଁ ଝୁରୁଥିଲା ସବୁଠି ତୁମରି ପ୍ରାଣ

ତୁମ କବିତା ତୁମ ଲେଖନୀ ଦେହେ ଭରିଲା ଶିହରଣ ।

କଟକର ସତ୍ୟଭାମା ପୁରେ ତୁମେ ହୋଇଥିଲ ଜନମ

ସ୍ୱତନ୍ତ୍ର ଉତ୍କଳ ପ୍ରଦେଶ ଗଠନେ କରିଥିଲ ଉଦ୍ୟମ ।

ଓଡ଼ିଆ ଭାଷାକୁ ବଞ୍ଚାଇବା ଲାଗି ତୁମେ କରିଥିଲ ସ୍ୱର ଉତ୍ତୋଳନ

ଓଡ଼ିଆ ପୁଅକୁ ଜାଗ୍ରତ କରାଇ କରିଥିଲ ଉତ୍କଳର ଗୁଣଗାନ ।

ଉତ୍କଳ ପ୍ରଦେଶ ଗଠନରେ ଥିଲା ତୁମର ତ ମୁଖ୍ୟ ଅବଦାନ

ଓଡ଼ିଆ ଭାଷା ଓଡିଶା ମାଟିରେ ସମର୍ପିତ ଥିଲା ତୁମରି ମନ ।

ଉତ୍କଳ ଗୌରବ ମଧୁବାବୁ ମଧୁ ବାରିଷ୍ଟର ବୋଲାଇଲ

କୋଟି ଓଡିଶାଙ୍କ ହୃଦୟରେ ତୁମେ ଅମର ହୋଇ ରହିଲ ।