ଉଡି ଉଡି ଯାଏ ମନ ଘୁଡି ମୋର

ଉଡି ଉଡି ଯାଏ ମନ ଘୁଡି ମୋର 

ମୁଁ ତ ପାରେନା ଧରି

ନୂଆ ରାଇଜ କୁ ଯିବାକୁ ଚାହୁଁଛି

ପଵନରେ ଉଡି ଉଡି !!

ବୁଲିସେ ଦେଖିବ ତା ନୂଆ ଠିକଣା

ଲାଗୁ ଅଛି କେଉଁ ପରି

ମିଳିବ କି ତାକୁ ସ୍ୱାଧୀନ ପଵନ

ଚାହିଁଲେ ପାରିବ ଉଡି !!

ଅବା କେଉଁଠି ସେ କଣ୍ଟା ବା ଖୁଞ୍ଚରେ

ଯିବ ପୁଣି ସେହି ପଡି

ଯେଉଁଠୁ କେବେସେ ବାହାରିବନାହିଁ

ସତା ଯିବ ତାର ଚିରି !!

ଦୁଷ୍ଟ ବାଳକ କେ ଧରି ନେବ ତାକୁ

ବାଟରୁ ଯୋହର କରି

ମନ ବୁଝି ଗଲେ ଚିରି ଫିଙ୍ଗି ଦେବ

କାଗଜ ଟୁକୁଡା ପରି !!

ମୁଁ ତ ଖୋଜୁଛି ସେମିତି ସାଥି ଟେ

ରଖିବ ଯେ ଯତ୍ନ କରି

ସାରା ଜୀବନ ମୋ ତା ସାଥେ କଟିବ

ଆନନ୍ଦରେ ହସି ଖେଳି !!