ମଧୁ ଗଣେଶ
ମଧୁ ଗଣେଶ
ଆସିଲେ ଚୈତ୍ର ପ୍ରତି ବରଷ
ତୁମ ପୂଜା ହୁଏ ପାର୍ବତୀ ସୁତ
ବସନ୍ତ ଋତୁରେ ପୂଜା ପାଅ ବୋଲି
ନାମ ତୁମ ଅଟେ ମଧୁ ଗଣେଶ ।
ମଧୁ ବୈଶ୍ୟଙ୍କର ଅଟ ତ ଇଷ୍ଟ
ଗୁଡ଼ିଆ ଜାତିତ ତୁମ ଭକତ
ତୁମକୁ ପୂଜିଲେ ମିଳେ ସୁଖ ଶାନ୍ତି
ଜୀବନେ ମିଳଇ ଯଶ ଅନେକ ।
ସର୍ବ ଦେବ ମଧ୍ୟେ ଅଗ୍ରପୂଜ୍ୟ ଦେବ
ବିଦ୍ୟା ବୁଦ୍ଧି ଦାତା ପ୍ରଭୂ ଗଣେଶ
ତୁମକୁ ପୂଜିଲେ କଟି ଯାଏ ରିଷ୍ଟ
ଦୂର କର ସବୁ ଯାତନା ଦୁଃଖ ।
ତୁମମେ ଦୟା କଲେ ଗରିବ ମୁହଁରେ
ଫୁଟି ଉଠିଥାଏ ଅଲିଭା ହସ
ତୁମ କରୁଣାରେ ଦୂର ହୋଇଯାଏ
ଜୀବନରେ ଯେତେ ରୋଗ ଓ ଶୋକ ।
ଗିରି ବାଳା ଅଙ୍ଗ ମଳିରୁ ଜାତ ହେ
ଗଜ ମୁଖ ଧାରୀ ହେ ଏକଦନ୍ତ
ତୁମେ ଅଟ ପରା ମଙ୍ଗଳ ମୟ ହେ
ତୁମେ ଅଟ ପୁଣି କରୁଣା ବନ୍ତ ।
ତୁମକୁ ପାଇ ମୁଁ ଇଷ୍ଟଦେବ ରୂପେ
ଧନ୍ୟ ହୋଇ ଅଛି ଏ ଭାଗବତ
ପ୍ରତି ବରଷରେ ଆସିବ ଠାକୁରେ
ନିବେଦନ ମୋର ରଖିବ ନିଶ୍ଚେ ।