ଗ୍ରୀଷ୍ମ
ଗ୍ରୀଷ୍ମ
ଗ୍ରୀଷ୍ମର ପ୍ରବାହ ବଢିତ ଗଲାଣି
ଗୁଳୁ ଗୁଳୁ ଜଳେ ଧରା
ଘରେ କି ବାହାରେ ରହି ହେଉ ନାହିଁ
ତାତି ଯାଏ ବସୁନ୍ଧରା ।
ଗ୍ରୀଷ୍ମର ତାପରେ ଜଳିତ ଗଲେଣି
ଯେତେ ସବୁ ବୃକ୍ଷ ଲତା
କଅଁ ଳ ପତର ଝାଉଁଳି ଗଲାଣି
ଝାଉଁଳେ ଗଛ ର ଶାଖା ।
ଶୁଖିତ ଗଲାଣି ନଦୀ ଧାର ସ୍ରୋତ
ଶୁଖିଛି ଝରଣା ଧାର
ଗଢିଆ ପୋଖରୀ ଶୁଖି ଯାଇ ସବୁ
ହୋଇଲେଣି ଦୁଇଫାଳ ।
ଉତ୍ତାପରେ ଜଳେ ଗିରି ବନ ଯେତେ
ହୁ ଉ ହୁ ଉ ଶିଖା ଢାଳି
ଜଙ୍ଗଲର ଯେତେ ଜୀବ ଜନ୍ତୁ ସବୁ
ନିଆଁ ରେ ଯାଆନ୍ତି ପୋଡି ।
ପ୍ରକୃତିର ଏହି କରାଳ ଯନ୍ତ୍ରଣା
ସଭିଙ୍କୁ ଯାଇଛି ଘାରି
ନିଏ ପ୍ରତିଶୋଧ ସଭିଙ୍କ ଉପରୁ
କାହାକୁ ଦିଏନା ଛାଡି ।
ବୃକ୍ଷ ତରୁ ଲତା କାଟି ଦେଇ ସବୁ
ଜଙ୍ଗଲ କୁନାଶକଲ
ହିମାଳୟ ଗିରି ତାଡି ପକେଇଲ
ଭୂମି ହୋଇଗଲା ଖୋଳ ।
ବିଜ୍ଞନ ର ଅଗ୍ରଗତି କରିସବୁ ଜନ
ନୂଆ ଉଦ୍ଭାବନ କଲ
କଳ କାରଖାନା ଟାୱାର ବସେଇ
ସୂର୍ଯ୍ୟ ଙ୍କୁ ପାଖେଇ ନେଲ ।
ସେଥିପାଇଁ ସାଜେ ପ୍ରକୃତି ବଇରୀ
ଖେଳେ ସେ ନିଆଁର ଖେଳ
ପ୍ରକୃତିକୁ ଧ୍ୱଂସ କରନା ମାନବ
ଘେନିବ ଅଚିରେ କାଳ ।