ଏମିତି ତ କେହି ନାହିଁ
ଏମିତି ତ କେହି ନାହିଁ
1 min
4
ଏମିତି ତ କେହି ନାହିଁସଂସାର ରେ ନାହିଁ
ମଳୟ ତ ଛୁଇଁ ନାହିଁ
ଜୀବନେ ବସନ୍ତ ଆସିନି ତାହାର
ପୁଲକିତ ହୋଇ ନାହିଁ !
ମନ ଉପବନେ ଫୁଟିନି ଯାହାର
ପୀରତି ର ଶତ ଦଳ
ମନେ ମନେ ଯିଏ ହୋଇନି ମଧୁପ
ପିଇନାହିଁ ମଧୁ ସ୍ୱପ୍ନର !
ଶିହରି ଉଠିନି ମୃଦୁ ମଳୟରେ
ଯାହାଙ୍କର ତନୁ ମନ
ବାଟ ଚାଲୁ ଚାଲୁ ଦେଖି ସୁକୁମାରୀ
ହୋଇନାହିଁ ଆନ ମନ !
ବିଳପି ଉଠିନି ତନ୍ତ୍ରୀ ରେ ତନ୍ତ୍ରୀ ରେ
ଅଙ୍ଗେ ଭରା ଯଉବନ
କଳ୍ପନା ରାଇଜେ ହଜି ଯାଇନାହିଁ
ସିଏ ପୁଣି ରାତି ଦିନ !
ବୟସ ବସନ୍ତ ଡେଇଁ ଗଲାପରେ
ଅତୀତ ପଡ଼େନି ମନ
ଅବଶୋଷ ଆଉ ଅନୁତାପ ଅଗ୍ନି
କରିନି ତାକୁ ଦହନ !