ଉଡେ ତ୍ରିରଙ୍ଗା

ବୀର ପ୍ରସବିନୀ ଭାରତ ଭୂଇଁ

   ଗୌରବ ମୟ ଯାହାର ଗାଥା

 ତୋହରି ଚରଣେ ପ୍ରଣତି ଜଣାଏ

     ସସ୍ନେହେ ନୂଆଁଇ ମୋହର ମଥା l

ତୋହରି କୋଳରେ ଜନମି ଦିନେ

    ରଚିଗଲେ ଯେଉଁ ଅକ୍ଷୟ କୀର୍ତ୍ତି

ଜାତି ଇତିହାସେ ଚୀର ଉଦଭାସିତ

     ତାଙ୍କରି ସୁ ଶୋଭିତ ମୂରତି l

ଫର ଫର ଉଡ଼ଇ ତ୍ରିରଙ୍ଗା

   ଶାନ୍ତି, ମୈତ୍ରୀର ବାର୍ତ୍ତା ବହି

ଜାତି, ଧର୍ମ ବର୍ଣ୍ଣ ନିର୍ବିଶେଷରେ

   ସଭିଏଁ ଏକ, ଏଇକଥା କହି l

ଗଗନେ ପବନେ ସଂଚରିତ ହୁଏ

   ଭାରତ ମାତାର ଜୟ ଧ୍ଵନି

ଜାତୀୟ ସଙ୍ଗୀତର ତାଳେ ତାଳେ

   ଜାଗିଉଠେ ହୃଦେ ଜାତୀୟତା ବହ୍ନି l।