" ତୁମେ "

ତୁମରି ଆଖିରେ ଆଖି ମିଶାଇଲେ

ଦେହେ ଶିହରଣ ଜାଗେ

ଆଖି ମୁଦି ଦେଇ ତୁମକୁ ଭାବିଲେ

ମନ ଯେ ମହକି ଯାଏ ।

ତୁମକୁ ଚାହିଁଲେ ବେଦନାର ଲୁହ

ଝରିଯାଏ ଆପେ ଆପେ

ଆଖି ମୁଦି ଦଣ୍ଡେ ତୁମକୁ ଭାବିଲେ

ଶକତି ଆସେ ଅମାପେ ।

ତୁମକୁ ଚାହିଁଲେ ଅଧା ହାତ ତୁମ

ଶକତିର ବାର୍ତ୍ତା ଦିଏ

ଆଖି ମୁଦି ଦେଲେ ସେ ହାତର ବଂଶୀ

ମନକୁ ଉଚ୍ଚାଟ କରେ ।

ଆଖି ଖୋଲି ଯଦି ତୁମକୁ ଚାହେଁ ମୁଁ

ତୁମ କଳା ଦେହ ଦେଖେ

ଆଖି ମୁଦି ଦେଇ ସେ ରଙ୍ଗ ଭାବିଲେ

ସେ ରଙ୍ଗେ ବିଭୋର ହୁଏ ।

ଆଖି ଖୋଲି ଯଦି ତୁମକୁ ଦେଖଇ

ପାଦ ତ ଦେଖି ନ ପାରେ

ଆଖି ମୁଦି ଦେଇ ତୁମକୁ ଭାବିଲେ

ତୁମ ସ୍ପର୍ଶ ପାଇଥାଏ ।