ତୁମେ

କଳ୍ପନା ଚେତନା ଭାବନା କାମନା

ଯେତେ ଅଛି ମୋ ଭିତରେ

ସବୁଠି ତ ଅଛି ତୁମରି ଛାପ ଗୋ

ତୁମେ ମୋ ଆଲୁଅ ଧାରେ।।

ଛାତିର ସ୍ପନ୍ଦନ ତୁମେ ଅଟ ମୋର

ତୁମେ ନିଃଶ୍ବାସ ପବନ

ଖୁସିର ଅସରା ବରଷା ତୁମେ ମୋ

ତୁମେ ବଞ୍ଚିବା ନିଦାନ।।

ତୁମେ ମୋର ରାସ୍ତା ତୁମେ ହିଁ ତ ପାଦ

ତୁମେ ମୋର ଲକ୍ଷ୍ୟ ସ୍ଥଳ

ତୁମେ ମୋର ଆଶା ତୁମେ ଅଭିଳାଷା

ତୁମେ ଭୋକର ଭୂଗୋଳ।।

ତୁମେ ମୋର ଫୁଲ ତୁମେ ବି ମହକ

ତୁମେ ଚଇତାଳି ବାଆ

ତୁମେ ମୋ ଫୁଗଣ ତୁମେ ତ ଅବିର

ତୁମେ ଶ୍ରାବଣର ଛୁଆଁ।।

ମୁଁ ତୁମ ଶରୀର ତୁମେ ମୋର ଆତ୍ମା

ମନ ମୁନ ଚଇତନ

ମନ୍ଦିର ମୁଁ ତୁମ ତୁମେ ମୋ ଆରାଧ୍ୟ

ପ୍ରାରବ୍ଧ ପ୍ରଜ୍ଞାର ଜ୍ଞାନ।।