ତୁମେ
ତୁମେ
ତୁମେ ନୀଳ ଆକାଶର ନୀଳିମତା
ମୁଁ ଧୂସର ମରୁରେ ମରୀଚିକା l
ତୁମେ ସବୁଜ ବନାନୀ ତରୁଲତା
ମୁଁ ଲିଭି ଆସୁଥିବା ଦୀପଶିଖା ll
ତୁମେ ନୀଳ ସାଗରର ଚଞ୍ଚଳତା
ମୁଁ ପଥହରା ଗୋଟେ ନଦୀଧାରା l
ତୁମ ଆମନ୍ତ୍ରଣେ ସବୁ ଆନମନା
ମୁଁ ପଳାତକ ଦିଏ ନାହିଁ ଧରା ll
ତୁମେ ଚନ୍ଦନ ବନର ମାଦକତା
ମୁଁ କାଗଜ ଫୁଲର ସୁନ୍ଦରତା l
ତୁମେ ସୂର୍ଯ୍ୟ ଆଖିର ଚପଳତା
ମୁଁ ନିରିହ ନୀରବ ଚାରୁଲତା ll
ତୁମେ ଶୀତୁଆ ରାତିର ଉଷ୍ମତା
ମୁଁ ରୁଦ୍ରବୈଶାଖୀର ଝଞ୍ଜା l
ତୁମ କଥାରେ କଦମ୍ବ ଫୁଟିଯାଏ
ମୁଁ କଥାହେଲେ ହୁଏ ଦହଗଞ୍ଜା ll