ଜାଳନି ଜଙ୍ଗଲେ ନିଆଁ

ଦୂର ପାହାଡ଼ ରେ ଜଙ୍ଗଲ ଜଳଇ

କଲବଲ ଆମ ଗାଁ

ଧୂଆଁ ଧାସ ଆମ ହସ ଲୁଟିନିଏ 

ଜାଳନି ଜଙ୍ଗଲେ ନିଆଁ ।

ସବୁଜ ସୁନ୍ଦର ବଣ ଜଳିଗଲେ

ପାହାଡ଼ ଢାଳିବ ଲୁହ

ଶୁଖିଯିବେ ସବୁ ପାହାଡି ଝରଣା

ନଈରେ ନଥିବ ଶୁଅ ।

ଶୁଭୁଥିବ ଖାଲି ମେଘ ଗରଜନ

ବରଷା ଉଭେଇ ଯିବ

ଅମ୍ଳଜାନ ହେବ ପବନେ ଅଭାବ

ଜହର ଯାତନା ଦେବ ।

ଅଜଣା ରୋଗରେ ଛଟପଟ ହେବା

କହିବେନି କେହି ଆହା

ଜାଳନି ଜଙ୍ଗଲେ ନିଆଁ ।

ଜଙ୍ଗଲ ରୁ ମିଳେ ଫଳମୂଳ କେତେ

ମିଳଇ ବାଉଁଶ କାଠ

ବଣ ଜଳିଗଲେ ପାଉଁଶ ଗଦାରେ

ପଥର ମାରିବ ଛାଟ ।

ବଣ ପଶୁପକ୍ଷୀ ବସା ଉଜୁଡିବ

ଗାଁ ରେ ପସିବେ ହାତୀ

ବଈଶାଖ ମାସେ ଡହଳ ବିକଳ

ବଳେଇ ପଡ଼ିବ ତାତି ।

ଜଙ୍ଗଲ ଜାଳିଲେ ଆମେବି ଜଳିବା

କଲବଲ ହେବା କିଆଁ

ଜାଳନି ଜଙ୍ଗଲେ ନିଆଁ ।