Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Sagarika Mohanty

Romance

3  

Sagarika Mohanty

Romance

ତୁମେ ଥରେ ବୁଝନ୍ତନି ? (କବିତା)

ତୁମେ ଥରେ ବୁଝନ୍ତନି ? (କବିତା)

1 min
14K


ତୁମେ ଥରେ ବୁଝନ୍ତନି ? (କବିତା)

ମୁଁ ତ ପାଗଳି ଟେ ,

ମୋତେ ଭଲ ଲାଗେ ତୁମର ସବୁକିଛି !

ତୁମ ଅଇଁଠା ଥାଳି , ପାଲଟା ଲୁଗା , ତୁମ ବଗିଚାର ଶୁଖିଲା ପତ୍ର , ଆଉ ଅପେକ୍ଷାରତ ଏ ଦାଣ୍ଡ ଦୁଆର ଟା ବି ,

ସକାଳୁ ସଞ୍ଜ ଯାଏ ଏସବୁର ଖିଦମତ କଲା ବେଳେ ଭୁଲିଯାଏ ମୁଁ ସମୟକୁ ଯୋଡିବାକୁ । 

ହେଲେ ତୁମେ ତ ପକ୍କା ହିସାବୀ ,

ମୋ ପାଗଳାମିର ପାଉଣା ମୁଁ ଠିକ ଭାବେ ପାଏ କି ନା , ତୁମେ ଟିକେ ବୁଝନ୍ତନି ? 

ମୁଁ ତ ବାୟାଣୀଟେ ,

ମୋତେ ଭଲ ଲାଗେ ତୁମର ସବୁକିଛି ,  

ତୁମ ବାପା ବୋଉ , ଭଗ୍ନୀ ଭ୍ରାତା , ବନ୍ଧୁ ପରିଜନ , ଆଉ ସେ ଦାନ୍ତ ନିକୁଟୁ ଥିବା ପୋଷା କୁକୁର ଟା ବି ।

ସେମାନଙ୍କୁ ନିଜ ବାତ୍ସଲ୍ୟ ର ପରିଧି ରେ ବାନ୍ଧି ରଖିଲା ବେଳେ ଭୁଲିଯାଏ ମୁଁ ପାଦ ରଖିବାକୁ , ମୋ ବାପ ଘର ଅଗଣାରେ ।

ସେକଥା କଣ ,

ତୁମେ ଥରେ ବୁଝନ୍ତନି ?

ମୁଁ ପୁରାପୁରି ହୁଣ୍ଡି ଝିଅ ଟେ ।

ମୋତେ ଭଲ ଲାଗେ ତୁମର ସବୁକିଛି 

ତୁମ ଦୁଃଖ , ତୁମ ସୁଖ , ହସ ଲୁହ , ମାନ ଅଭିମାନ ଆଉ କ୍ରୋଧ ଭରା ଚିତ୍କାର ଟା ବି ।

ସେସବୁ ଭିତରେ ହଜି ଯାଇ , ମୁଁ ପୀଡା ଭିତରୁ ବି ଖୋଜି ଆଣେ ତୁମ ପାଇଁ ସ୍ନେହ ଭରା ସନ୍ତକ ଟିଏ ।

ଏତିକି କଥା ,

ତୁମେ କଣ ବୁଝନ୍ତନି ?

ମୁଁ ତ ସ୍ନେହ ରଙ୍କୁଣୀ ଟେ ,

ମୋତେ ଭଲ ଲାଗେ ତୁମର ସବୁକିଛି ।

ତୁମ ଗାଁ , ତୁମ ସ୍ମୃତି , ତୁମ ପ୍ରେମ ତୁମ ପ୍ରୀତି ଆଉ ଅଳ୍ପ ଅଳ୍ପ ଘୃଣା ବି ।

କେମିତି ବୁଝେଇବି , 

ମୁଁ ତ ବାତ୍ସଲ୍ୟ ର ପିଣ୍ଡୁଳା ଟିଏ ।

କ୍ଷମା ର ପେଡି ଭିତରେ ହଜେଇ ଦେଇଛି ମୁଁ ନିଜ ପରାକ୍ରମକୁ ।

ତୁମେ ଥରେ ବୁଝନ୍ତନି ?

ସାଗରିକା ମହାନ୍ତି , ନଭି ମୁମ୍ବାଇ


Rate this content
Log in