ତୁମେ ନାରୀ ନୁହେଁ ଦେବୀ

ହେ ଦେବୀ

ତୁମେ ଆଉ ମନ୍ଦିରରେ ବସି ଲୁଚନା

ଯୁଗ ପରେ ଯୁଗ ବସି ଶୋଷଣ ଦେଖିଲ

ଏକା ଏକା ବସି ପଥର ସାଜିଲ

ତୁମେ ଆଉ ଭକ୍ତ ର ପୂଜା ପାଅନା ।

ହେ ଦେବୀ

ତୁମେ ଥାଉ ଥାଉ ଏ ଦେଶର ନାରୀ

ବଳ ବୁଦ୍ଧି ଥାଇ ଏତେ ହେଲା ସରି

ବଳାତ୍କାର ଦେଖି ବଢିଲା ବେମାରୀ

ନାରୀର ନର ହୋଇଛି ବଇରି ।

ହେ ଦେବୀ

ଦିଅ ତୁମ ପ୍ରତିଟି ରୂପ ନାରୀକୁ

ବାଧ୍ୟ ହୁଅନ୍ତୁ ସର୍ବେ ପୂଜନ୍ତୁ ନାରୀଙ୍କୁ

ନତୁବା ତପସ୍ୱୀ କର ପୁରୁଷଙ୍କୁ

ଦୃଶ୍ୟ ବାଧିତ କର ପ୍ରତି ପୁରୁଷଙ୍କୁ ।

ହେ ଦେବୀ

ଦୁଇ ଫାଳ କର ପୃଥିବୀର

ଏ ଫାଳରେ ନାରୀ ଅନ୍ୟ ଫାଳରେ ନର

ଯୋଡ଼ି ନ ରହୁ କାରଣ ଏ ବୃଦ୍ଧି ବଂଶର

ଇନ୍ଦ୍ରିୟ ଶକ୍ତି କ୍ଷଣ ହେଉ ନର ଆଉ ନାରୀଙ୍କର ।

ହେ ଦେବୀ

ତ୍ରିଶୂଳ ଦିଅ କି ଖଣ୍ଡା ଦିଅ ତୁମର

ଆଗ ପଛେ ରୁହ ପ୍ରତିଟି ନାରୀ ର

ଶକ୍ତି ଦିଅ , ଦିଅ ହେ ବଳ ତୁମର

ପାପୀ ମୁକ୍ତ କରୁ , ମର୍ଯ୍ୟାଦା ରଖୁ ହେ ତୁମର ।

ହେ ଦେବୀ

କିପରି ଚିହ୍ନିବ ନାରୀ ତା'ର ଭିତର ନିଜକୁ

ଅନ୍ତର ନିହିତ ତାହାର ନିଜର ଗୁଣ ଆଉ ଶକ୍ତିକୁ

ବିଶ୍ୱାସ ବଢ଼ିବ ପରଖିବ ତା'ର ସିଦ୍ଧି ଆଉ ସ୍ଥିତିକୁ

ରକ୍ଷା କରିବ ନିଜକୁ, ମାରିବ ପାପୀକୁ ।