ତୁମେ ମଉଳିଲା ପରେ

ହେ ଗୋଲାପ ପ୍ରସୂନ ତୁମେ ମଉଳିଲା ପରେ

କେତେଯେ ଯନ୍ତ୍ରଣା ଏହି ହୃଦୟ କାନନେ,

ମନୋରଥ ମୋର ଗଡି ଚାଲୁଥିଲା

ସେଇ ଝିଅର ନିକଟେ

ପଦିଏ ବଚନର ପଥେ,

କରିଦେଲ ଶୂନ

ହେ ଗୋଲାପ ପ୍ରସୂନ ତୁମେ ମଉଳିଲା ପରେ ।1।

କେଡେ ସରାଗରେ ତୁମକୁ ଧରି

ଚାଲିଲା ଅନେକ ବାଟ ପାଦ ଥିରିଥିରି,

ଅଟକି ଗଲାତା'ର ନିଳୟ ସମ୍ମୁଖେ

ଅଧୁରା ଏ ସପନ

ହେ ଗୋଲାପ ପ୍ରସୂନ ତୁମେ ମଉଳିଲା ପରେ ।2।

ତୁମେ ବାଣୀ ମୋ ପ୍ରେମର

ତୁମକୁ ରଖିଥିଲି ଅତି ଯତନରେ,

ଖାସ୍ ତା'ରି ପାଇଁ

ଅଶ୍ରୁରେ ମୋ ଭରିଦେଲ ଏ ଦୁଇ ନୟନ

ହେ ଗୋଲାପ ପ୍ରସୂନ ତୁମେ ମଉଳିଲା ପରେ ।3।