ପ୍ରେମର ପରିଭାଷା
ପ୍ରେମର ପରିଭାଷା
ପ୍ରେମ ନୁହେଁ ଏକ ଚିରସ୍ରୋତା ନଦୀ
ପ୍ରେମ ଅସରନ୍ତି ସାଗର
ପ୍ରେମ ନୁହେଁ ଏକ ସରନ୍ତି ସମ୍ବଳ
ପ୍ରେମ ପ୍ରକୃତିର ଗନ୍ତାଘର ।
ପ୍ରେମ ନୁହେଁ ଏକ ଅଦିନର ଝଡ଼
ଥରେ ଆସି ଚାଲିଯିବ
ପ୍ରେମ ଅଟେ ଦୁଇ ମନର ମିଳନ
ଚିରଦିନ ସାଥେ ଥିବ ।
ପ୍ରେମ ନୁହେଁ ଏକ ପାଗଳ ପ୍ରବର
ଭଲପାଇ ଭୁଲିଯିବ
ପ୍ରେମ ଅଟେ ଏକ ମହତ ପଣିଆ
ହାତଧରି ଚାଲୁଥିବ ।
ପ୍ରେମ ନୁହେଁ ସିଏ ଭଲପାଇବାର
ଆଶା କରିଥାଏ ପୂର୍ଣ୍ଣ
ପ୍ରେମ ଏକା ସିଏ ଦୁନିଆ ଦାଣ୍ଡରେ
ହୁଏ ନୀତି ବଦନାମ ।
ପ୍ରେମ ଅଟେ ଶାନ୍ତ, ସରଳ,ନରମ
ଛୁଇଁଦେଲେ ମଉଳିବ
ପ୍ରେମ ଅଟେ ସିଏ ଚିରଦିନ ପାଇଁ
ସ୍ମୃତି ହୋଇ ରହିଥିବ ।
ପ୍ରେମ ଅଟେ ସିନା ଜୀବନ ସାଗରେ
ଘୋର ମୟ ଅନ୍ଧକାର
ପ୍ରେମ ଅନ୍ଧକାର ପାର ହୋଇଗଲେ
ଲାଗିବ ବଡ ମଧୁର ।
ପ୍ରେମ ଅଟେ ଏକା କୋମଳତା ଆଉ
ସରଳତା,ଅତ୍ମୀୟତା
ପ୍ରେମ ପାଇବାକୁ ଲକ୍ଷ୍ୟ କର ସଦା
ମନେ ରଖି ସଂଯମତା ।
ପ୍ରେମ ଅଟେ ଭାଇ ନିଃସ୍ୱାର୍ଥପରତା
ଅଟେ ସଦା କ୍ଷଣସ୍ଥାୟୀ
ପ୍ରେମ ଏକା ଜୀଣେ ବିଶ୍ୱ ବ୍ରହ୍ମାଣ୍ଡକୁ
ପ୍ରେମଠୁ ଜୀଣେନା କେହି ।
ପ୍ରେମ ମାନେ ନୁହେଁ ଭୋଗ କରିଦେଇ
କରିଦେବ ତୁମେ ଯୋଗ
ପ୍ରେମ ଚାଲେ ସଦା ସତ୍ୟର ମାର୍ଗରେ
ଗର୍ବ କୁ କରି ବିୟୋଗ ।
ପ୍ରେମ ନୁହେଁ ବର୍ଣ୍ଣ ବୋଧର ଭାବନା
ପ୍ରେମ ଅଟଇ ଅଜେୟ
ପ୍ରେମ ପରା ଏଠି ଯୁଗ ଯୁଗ ଧରି
ରହିଛି ଅବର୍ଣ୍ଣନୀୟ ।