ତୁମେ ମୋ ଆଖିରସ୍ବପ୍ନ
ତୁମେ ମୋ ଆଖିରସ୍ବପ୍ନ
ତୁମେ ମୋ ନୟନର ସତ ସପନ
ଆହେ ମୋର ନୀଳମଣି,
ଜୀବନ ଘାଟରେ କରିଛି ଅପେକ୍ଷା
ମୁଁ ତୁମ ପ୍ରେମ ବାୟାଣୀ ।
ହୃଦୟ କନ୍ଦରୁ ବଇଁଶୀର ସ୍ୱର
ନିତି ମୋତେ ଶୁଭୁଥାଏ,
କି ମାୟା କରିଛ ଗୋକୁଳ ଚନ୍ଦ୍ର ହେ
ତୁମ ରୂପ ଦିଶିଯାଏ ।
ନୀଳ ଦେହେ ତୁମେ ପାଟ ପିତାମ୍ବରୀ
କିସୁନ୍ଦର ଶୋଭାପାଏ,
ମସ୍ତକରେ ତୁମ ମୟୂର ପୁଚ୍ଛଟି
ଧୀରେ ଧୀରେ ହଲୁଥାଏ ।
ଅଧର ରେ ତୁମ ମନ୍ଦ ମନ୍ଦ ହସ.
ଗଳାରେ କୌସ୍ତୁଭ ଶୋହେ,
ନୁହେଁ ମୀରା ଅବା ରାଧା ମୁହିଁ କାହ୍ନୁ
ମରତର ନାରୀଟିଏ ।
ଆଖିରେ ତୁମର ମଧୁର ଚାହାଣୀ
ଚୋରାଇ ନିଅଇ ମନ,
ହେ ରାଧା ମାଧବ କୃଷ୍ଣ କେଶବ
ତୁମେହିଁ ମୋର ସପନ ।
ସଜା ଇଛି ବସିଛି କୁଞ୍ଜବନ.ମୁହିଁ
ଆସିବ ଦିନେନା ଦିନେ,
ହାତ ଧରି ମୋର ନେଇଯିବ ତୁମେ
ଓଁକାର ଧ୍ୱନିର ତାନେ ।
ଆତ୍ମା ସହ ପରମାତ୍ମା ମିଶିଯିବ
ଘଟ ହୋଇଯିବ ଶୂନ୍ୟ,
ତୁମେ ମୋ ଜୀବନ ତୁମେ ମୋ ସପନ
ଲୋଡ଼ା ନାହିଁ କିଛି ଆନ ।