ମହାଦେବୀ ବନ୍ଦନା

ଜୟଜୟ ମହାଶକ୍ତି ମାଆ ମହାଦେବୀ l

ଭବାନୀ ଭବ ତାରିଣୀ ଭବଙ୍କ ବଲ୍ଲଭୀ ll

ବନ୍ଦଇ ଲୋକ ଜନନୀ ଭବାର୍ତ୍ତ ଭଞ୍ଜନୀ l

ଭକ୍ତପ୍ରିୟା ଭକ୍ତି ଗମ୍ୟା ଭକ୍ତି ପ୍ରଦାୟିନୀ ll

ବନ୍ଦେ ମା ଭକ୍ତ ବତ୍ସଳା ସତୀ ଭବପ୍ରିୟା l

ଖଡ୍ଗ ଖେଟକଧାରିଣୀ ମାଆ ମହାମାୟା ll

ଅନ୍ନପୂର୍ଣ୍ଣା, ସଦା ପୂର୍ଣ୍ଣା, ଅପର୍ଣ୍ଣା, ପାର୍ବତୀ l

ମାହେଶ୍ଵରୀ ବୃଷାରୁଢା ଶୈଳରାଜପୁତ୍ରୀ ll

କାଳରାତ୍ରୀ ମହାରାତ୍ରି ମୋହରାତ୍ରି ମାତା l

ବନ୍ଦେ ମା ପରମେଶ୍ବରୀ ପରମ ପୂଜିତା ll

ଶିବକାନ୍ତା ଶମ୍ଭୁ ଶକ୍ତି ବନ୍ଦେ ମା' ଜନନୀ l

ନମସ୍ତେ ନମସ୍ତେ ମାଆ ବିଶ୍ଵବିନୋଦିନୀ ll

ଜଗତକର୍ତ୍ତ୍ରି, ଜଗଦ୍ଧାତ୍ରୀ ଜଗତ ସଂହାରୀ l

ପରମ ମୋକ୍ଷଦାୟିନୀ ମୁନି ମନୋହାରୀ ll

ଦେବ ଦୁଃଖହରିଣୀ ମା ଦେବ ସହାୟିକା l

ଜୟ ଭଦ୍ରେ ଜଗଦମ୍ବେ ଗୋଉରୀ ଅମ୍ବିକା ll

ତ୍ରିନୟନୀ ଶଙ୍କରି ମା ଭୋଗ ମୋକ୍ଷ ପ୍ରଦା l

ମହାମାୟା ଯୋଗମୟା ତୁହି ଯୋଗସିଦ୍ଧା ll

ଶରଣ ତ୍ର୍ୟମ୍ବକ ଗୌରୀ ସଦା ଦୁଃଖହାରୀ l

ନମସ୍ତେ ମା' ପରାଶକ୍ତେ ପରମେ ଈଶ୍ୱରୀ ll