ଲାଇବ୍ରେରୀ
ପ୍ରୋଫାଇଲ୍
ତୁମେ ଗଲା ପରେ
ତୁମେ ଗଲା ପରେ
1 min
363
ତୁମେ ଗଲା ପରେ ପ୍ରିୟା ମୋ ଛାତିରେ
ଯାତନା ତୋଳିଛି ଘର ,
ଝର ଝର ହୋଇ ରକତ ଝରୁଛି
ତୁମ ପାଇଁ ବାରବାର ॥
ଶୋଇଲା ଶେଯରେ ମିଠା ସପନରେ
ଶୁଭେ ପାଉଁଜିର ସ୍ୱର ,
ଦେଖି ମୁଁ ପାରେନା ରହି ମୁଁ ପାରେନା
ଭାଙ୍ଗି ଯାଏ ନିଦ ମୋର ॥
ନିରୋଳାରେ ବସି ଭାବେ ଯେବେ ପ୍ରିୟା
ତୁମରି ଛବିକୁ ଥରେ ,
ସତରେ ଆସନା ମୋ ହାତ ଧରନା
ଦୁଃଖରେ ନିତି ମୁଁ ମରେ ॥
ଜଳେ ଓ ତରଳେ ତୁମ ପାଇଁ ବୋଲି
କାହାକୁ ପାରେନା କହି,
ହୃଦୟେ ରଖି ମୁଁ ସବୁ ତକ କଥା
ମରି ମରି ଯାଏ ଜିଇଁ ॥
