ଲାଇବ୍ରେରୀ
ପ୍ରୋଫାଇଲ୍
ତୁମେ ଚାଲିଗଲ ବୋଲି
ତୁମେ ଚାଲିଗଲ ବୋଲି
1 min
229
ଛାତି ତଳେ ଯେଉଁ ହୃଦୟଟି ଥିଲା
ହସି ହସି ଦେଲ ଜାଳି
ଆଜି ବି ଜଳୁଛି କୁହୁଳି କୁହୁଳି
ତୁମେ ଚାଲିଗଲ ବୋଲି।।
କହିବି କହିବି ଭାବୁ ଭାବୁ କିଛି
କହି ତ ପାରିଲି ନାହିଁ
ମନର କଥା ମୋ ମନରେ ରହିଲା
ତୁମେ ଚାଲିଗଲ ବୋଲି।।
ଫେରିବ କି ନାହିଁ କେମିତି ଜାଣିବି
କହି ନଥିଲ ବି ତୁମେ
କେବଳ ଏଇଠି ଅନେଇ ବସିଛି
ତୁମେ ଚାଲିଗଲ ବୋଲି।।
ଯିବା ଆସିବାର ମଝିରେ ଜୀବନ
ସରିବ ସରିବ ହେଲା
ବୁଝେଇ କେମିତି କହିବି କାଳ'କୁ
ତୁମେ ଚାଲିଗଲ ବୋଲି।।
ପବନ ଚାଲୁଛି ନାକପୁଡା ଦେଇ
ଜୀବନର ହସ୍ତାକ୍ଷର
କେମିତି ତେଜିବି ଲେଉଟିବା ଆଶା
ତୁମେ ଚାଲିଗଲ ବୋଲି
ଆଜି ବି ଉଇଁଛି ପୂରୁବେ ସୁରୁଜ
ସେଇଠି ଉଇଁବ କାଲି
ବାଉଳା କବାଟ ମୁକୁଳା ଶିକୁଳି
ତୁମେ ଚାଲିଗଲ ବୋଲି।।
ନଫେରିବ ନାହିଁ ଅଭିଯୋଗ ନାହିଁ
ନାହିଁ କହିବନି କେବେ
ଚାହିଁବାର ନିଶା ମରି ମୋ ନ'ଯାଉ
ତୁମେ ଚାଲିଗଲ ବୋଲି।।
