ତୁମ ସଙ୍ଗେ ବେଳାଭୂମି
ତୁମ ସଙ୍ଗେ ବେଳାଭୂମି
ସୁଦୀର୍ଘ ବେଳାଭୂମି ରହି ଅଛି ଚାହିଁ
ଶତଶତ ଆଗନ୍ତୁକ ଙ୍କୁ ସ୍ୱାଗତ ଜଣାଇ l
ବାଲୁକାମୟ ତଟେ ପାଦ ଥାପି ଧୀରେ
ହାତରେ ହାତ ଛନ୍ଦି ଗମେ ସଧିରେ l
ତନୁ ମନ ପୁଲକିତ ଶୀତଳ ସମୀରଣେ
ଶିହରଣ ଭରେ ପ୍ରାଣ ମୃଦୁ କମ୍ପନେ l
ତରଙ୍ଗିତ ଜଳରାଶି ପଦ ଯାଏ ଛୁଇଁ
ସତେକି ସମ୍ମାନ ଜଣାଏ ଚରଣକୁ ଧୋଇ l
ଯୁବା ଯୁବ ବାଳୁତ ତାରି କୋଳରେ
କ୍ରୀଡାରେ ମଗନ ସକଳ ସାଥୀ ମେଳେ l
ନେତ୍ରମୋର ତୋର ଶେଷ ନପାରଇ ଖୋଜି
ତୋର ସୀମା ସତେଅବା ଗଗନ ଛୁଇଁଚି ।
ତୋପରି ଗଭୀର ସତେକି ମୋପ୍ରିୟ ପ୍ରେମ
ହୃଦୟ ବେଳାଭୂମିରେ ଲେଖା ତାଙ୍କ ନାମ l
ଶବ୍ଦରେ ବର୍ଣ୍ଣିବା ସେପ୍ରେମ ନୁହେଁ ସମ୍ଭବ
ପାରାବାରେ କେତେ ଢେଉ କେ ଗଣିପାରିବ l
କ୍ଷଣେ ତୋତେ ନୟନେ ଦେଖି ନଭରେଅନ୍ତର
ନିକଟରୁ ସଂଦର୍ଶନ ଆସେ ବସିଲୁ ତୋତୀରେ l
ପ୍ରିୟତମ ଥିଲେ ମୋର ଅତି ନିକଟରେ
ପ୍ରଶାନ୍ତେ ବଦନେ ଲୋଟିପଡେ ତାଙ୍କରି ବକ୍ଷରେ l
ଅଭୁଲା ଆନନ୍ଦ ବୁଣେ ଜୀବନ ପୃଷ୍ଠାରେ
ଡୁବିଛି ହୃଦୟ ପ୍ରେମର ଅଗାଧ ସାଗରେ l