ଶୀର୍ଷକ-'ସଂପର୍କର ନଦୀ ତୀରେ'
ଶୀର୍ଷକ-'ସଂପର୍କର ନଦୀ ତୀରେ'
ଯାଉଁ ଯାଉଁ ବୟସ ବଢୁଛି,
ସମୟ ଛିଡୁଛି,
ସେମିତି ତୁମ ସୈାନ୍ଦର୍ଯ୍ଯର ରଙ୍ଗ
ବଦଳୁଛି ଆପଣାଛାଏଁ,ପ୍ରଜାପତି ପରି ।।୧।।
ବଦଳୁଛି ତୁମ ବାଦାମୀ ଦେହର
ସେ ଈଷତ୍ ହଳଦିଆ ରଙ୍ଗ,
ଆଉ ତା' ସହ ବଦଳୁଛି ;
ତୁମ ଭାବନାର ପୃଷ୍ଠଭୂମି ।।୨।।
ବଦଳୁଛି ତୁମର ସେ ଫେନିଳ ହସ
ବଦଳୁଛି ତୁମ ଅବୟବର
ଯେତେ ସବୁ ତରଙ୍ଗାୟିତ ବଳୟ ,
ଆଉ ତମାମ ଜୀବନର ଯେତେ ସବୁ ଦିଗ ।।୩।।
ସଂପର୍କର ନଦୀରେ ଆଜିି ଉଛୁଳୁଛି
ନୂଆ ନୂଆ ଢେଉ,ନୂଆ ନୂଆ ପ୍ବବାହ,
ବ୍ୟାପ୍ତିର ଉନ୍ମାଦନାରେ ଭୂଲିଯାଇଛି ନଦୀ;
ତା'ର ତୀରବର୍ତ୍ତୀ ଯେତେକ ମୋହ ।।୪।।
କ୍ଷଣିକ ଉତ୍ତେଜନାରେ ଫାଟିପଡି
ବୁଡାଇଛି କୂଳ,ବୁଡାଇଛି ଧର୍ମ,
ବିବେକକୁ ଚେତନାକୁ ପଛ କରି
କୂଳଟା ଭଳି ଲଙ୍ଘି ଯାଇଛି ;
ସତେ ଆଜି ସବୁ ସୀମା ସରହଦ ।।୫।।