ଲାଇବ୍ରେରୀ
ପ୍ରୋଫାଇଲ୍
ଦଶଭୁଜା ବନ୍ଦନା
ଦଶଭୁଜା ବନ୍ଦନା
ନମଃ ଦଶଭୁଜା ଜଗତ ଜନନୀ
ଅଜ୍ଞାନ ତମ କୁ ନାଶ
ନମଃ ନମଃ ଦୁର୍ଗା ଦୁର୍ଗତି ନାଶିନୀ
ଜ୍ଞାନେ କର ମା ପ୍ରକାଶ
ଜୟ ଜଗଦମ୍ବେ ଗୌରୀ ଶିବା ଅମ୍ବେ
ଭବାନୀ ରୁଦ୍ରାଣୀ ଵାମା
ଜୟ କାତ୍ୟାୟନୀ ହେ ଆଦିଜନନୀ
ଜୟ ଜୟ ମାତା ଉମା
ମହିଷା ନିପାତି ସୃଷ୍ଟି କଲ ରକ୍ଷା
ଦଶ ପ୍ରହରଣ ଧରି
ଦଶ ଅସ୍ତ୍ର ତୁମ୍ଭ ସୂଚାଏ ଜଗତେ
ଦିବ୍ୟ ଶିକ୍ଷା ସିଦ୍ଧେଶ୍ୱରୀ
ଶଙ୍ଖ ହସ୍ତ ତୁମ୍ଭ ସୌଭାଗ୍ୟ ବର୍ଦ୍ଧକ
ଚକ୍ର ସଂହାର କାରଣ
କାମ କ୍ରୋଧ ଲୋଭ ତ୍ରିଗୁଣ କୁ ଜୟ
ତ୍ରିଶୂଳ ଦିଏ ପ୍ରମାଣ
ଭକ୍ତି ସମର୍ପଣ ଗଦା ଦିଏ ଶିକ୍ଷା
ଅଗ୍ନି ଶିଖା ଜ୍ଞାନ ଜ୍ୟୋତି
ଚାପ ଓ ନାରାଚ ଶିକ୍ଷା ଦିଏ ମାତ
ତୁମ୍ଭର ଗତିଜ ଶକ୍ତି
ସାଂସାରିକ ମୋହ ମାୟା ରୁ ବିରତ
ହେବାକୁ କମଳ ଶିକ୍ଷା
(ହେଉପଛେ)
ପାପ ପଙ୍କ ରୁ ଉତ୍ପତ୍ତି ବ୍ରହ୍ମେ ଦେଲେ ମତି
ଜନନୀ କରିବେ ରକ୍ଷା
ଇନ୍ଦ୍ରିୟ ସଂଯମ ବଜ୍ର ଦିଏ ଶିକ୍ଷା
ସଦାଚାରେ ହୁଅ ବ୍ରତୀ
କୃପାଣ କରରେ ନାଶ ରୋଗ ବ୍ୟାଧି
ସନ୍ତାନ ର ଭଗବତୀ
ଅଭୟ ବରଦ ମୁଦ୍ରାରେ ହେ ଦେବୀ
ନାଶୁଛ ସନ୍ତାନ ଭୟ
କେଶରୀ ବାହାନ ଧର୍ମ ର ପ୍ରତୀକ
ଭକ୍ତଙ୍କୁ କରେ ନିର୍ଭୟ
ରହେନାହିଁ ଦୁଃଖ ଶୋକ ହେ ଜନନୀ
ତୁମ୍ଭ ପଦେ ଦେଲେ ମନ
ଦୁଃଷ୍କର କାର୍ଯ୍ୟ ମା ହୁଅଇ ସରଳ
ଉଚ୍ଚାରିଲେ ତୁମ୍ଭ ନାମ
ଆହେ ଦଶଭୁଜା ଦଶଦୋଷ ମୋର
ସୁଦୟା କରିଣ କ୍ଷମ
ତୁମ୍ଭର ଚରଣେ ଏ ଜୀବନ ମୋର
କରୁଅଛି ସମର୍ପଣ
