ତୁମ ଲାଗି
ତୁମ ଲାଗି
ତୁମକୁ ପାଇବା ପାଇଁ
କରିଥିଲି ଆପ୍ରାଣ ପ୍ରୟାସ ।
ଭଲ ଲାଗେ ବୋଲି ତୁମ
ନାକ-କାନ-ଆଖି ଆଉ ମୁହଁ ହସହସ ।।
ଚାରିଆଡ଼େ ଲକ୍ଷ ଲକ୍ଷ ଝିଅ ।
ରୂପରେ ଗୁଣରେ ଅବା
ସ୍ନେହବୋଳା କଥାରେ
ସରି କିଏ ତୁମସହ ।।
ତୁମେ ମୋର ପ୍ରେମର ପ୍ରଦୀପ
ଏବଂ ମୋର ହୃଦୟ ଶଙ୍ଖାଳି ।
ତୁମ ସ୍ନେହ ପ୍ରେମ ବିନା
ବାକି ସବୁ ଲାଗେ ଖାଲି ଖାଲି ।।
ଛୁଇଁଦେଲେ ରାଗ ବୋଲି
ଛୁଇଁବାକୁ ଭାରି ଇଚ୍ଛା ହୁଏ ।
ଇଚ୍ଛା ହୁଏ ଦେହସାରା
ହୃଦୟର ଅଗମ୍ୟ ଜାଗାକୁ ବି ଛୁଏଁ ।।
ସପନେ ସପନେ ତୁମେ
ଆସୁଥାଅ ମୋର ପାଶେ ।
ତୁମର ପରଶ ପାଇ
ପୁଲକିତ ହୁଏ ପ୍ରତି
ନିଃଶ୍ବାସ ପ୍ରଶ୍ବାସେ ।।
ତୁମେ ଯେବେ ଗାଳି ଦିଅ
ଅଭିମାନେ ଭାଙ୍ଗିପଡ଼େ ସିନା ।
ପ୍ରେମ ରଜ୍ଜୁ ଆଉ ଟିକେ ଶକ୍ତ କରେ
କେବେ ତୁମେ ନ କରିବ ମନା ।।
ଛାତି ତଳେ ଚାପିଧରି
ଚୁମିବାକୁ ଇଚ୍ଛା ହୁଏ କେତେ ।
ଓଠ ସହ ଓଠକୁ
ମିଶାଇବାକୁ ଦିଅ ଥରେ ମୋତେ ।।
ମିଠା ଲାଗେ ତୁମ କଥା
ହେଉ ପଛେ ରାଗ ଆଉ ରୋଷ ।
ପାଉଥିବି ଭଲ ପାଉଥିବି
ଥିବାଯାଏ ଅନ୍ତିମ ନିଃଶ୍ବାସ ।।
ପ୍ରେମ ହେଉ ସ୍ନେହ ହେଉ
ଅବା ହେଉ ତୁମ ତିରସ୍କାର ।
ତୁମେ ଦେଇଥିବା ଦାନ
ମୋ ପାଇଁ ତ ଅଟେ ପୁରସ୍କାର ।।