ତୁ ମୋର ଭାଗ୍ୟ ରେଖା

ତୁ ମୋ ଅତୀତ ତୁ ଭବିଷ୍ୟତ

ତୁ ମୋର ଭାଗ୍ୟ ରେଖା

ଜୀବନ ଦୀପରେ ତୁ ଘିଅ ହେଲେ 

ମୁଁ ତୋର ଦୀପଶିଖା ।। 

ତୁ ମୋର ପାଖେ ଅଛୁ ବୋଲି ପ୍ରିୟା 

ଦୁନିଆ ଲାଗେ ସୁନ୍ଦର 

ଅନ୍ଧାର ଆକାଶେ ତାରାଗଣ ମେଳେ 

ତୁ ଲୋ ଚନ୍ଦ୍ରମା ମୋର ।। 

ଏମିତିକା ସ୍ଵପ୍ନ ଦେଖିନାହିଁ କେବେ 

ଯେଉଁଥିରେ ତୁ ନାହୁଁ

ସପନେ ଗୋପନେ ପ୍ରତିକ୍ଷଣେ ଆସି 

ମତେ କଣେଁଇ ଚାହୁଁ ।। 

ତୋ ଆଖିପତାର ପ୍ରତି ଟି ପଲକେ

ରହିବାକୁ ମୁଁ ଚାହେଁ 

ତୁ ମୋ ସ୍ପନ୍ଦନ ତୁ ମୋ ଜୀବନ 

ତୋ ବିନା କିଛି ନୁହେଁ ।। 

ସବୁ ଜନମରେ ସାଥୀ ହୋଇ ଧନ 

ନିଇତି ହେବ ଦେଖା 

ତୁ ମୋ ଅତୀତ ତୁ ଭବିଷ୍ୟତ 

ତୁ ମୋର ଭାଗ୍ୟ ରେଖା ।।