ତତ୍ତ୍ୱମସି

ତୁ ସେହି ଆତ୍ମ ରୁପ ଅଟୁ

ପରମାତ୍ମା ଙ୍କ ସ୍ୱରୂପ

ଉଦାତ୍ତବାଣୀ ଶ୍ରୀ କୃଷ୍ଣଙ୍କ

ଏ, ଜୀବ ଦେହର ରୂପ ।

ତୁ ସେହି ଏ ଦେହ ମୁଁ ନୁହେଁ

ସେ ପରମାତ୍ମା ଅଟେ ମୁଁ

ପାବନ ଅଭିବ୍ୟକ୍ତ ଏହା

ନିଗୁଢ଼ ତତ୍ତ୍ୱ ଜାଣ ତୁ ।

ଏ ଉପର ର ଖୋଳ ଚୋପା

ଆକାର ଅଟଇତ ତୁ 

ଅସଲ ଅବିନାଶି ତତ୍ତ୍ୱ

ସାର ଅଟଇ ଶସ ମୁଁ ।

ଏ ଭାବ ମନେ ଦୃଢ଼ କର

ଅବନୀଶ୍ୱର ଅଟେ ମୁଁ

ଏ ପରମାନନ୍ଦେ ଆନନ୍ଦ

ସାଗରେ ଖେଳଇ ତ ତୁ ।

ମୁଁ ର ରୁପ ଅଟେ ବିଲୁପ୍ତ

ସଂସାରରେ ପରିବ୍ୟାପ୍ତ

ନିଷ୍କଳଙ୍କ ଏ ଆତ୍ମ ତତ୍ତ୍ୱ

ମୁଁ ଅଟେ ଯେ ପରମାର୍ଥ ।

ଦେହ ମୁଁ ଅଟେ ଭିନ୍ନ ଭିନ୍ନ 

କଲେ ତୁହି ଉପଲବ୍ଧ

ତତ୍ତ୍ୱର ଅଧିକାରୀ ହୋଇ

ଭୋଗିବୁନି ତୁ ପ୍ରାରବ୍ଧ ।