ଟୋକେଇ ଭର୍ତ୍ତି

ପ୍ରେମ ବାଣ୍ଟୁ ଥିଲି ମଝି ସଡ଼କ ରେ

  ଟୋକେଇ ଟି ଥୋଇଦେଲି

ମୁଠା ମୁଠା କରି ସବୁ ବୋହି ନେଲେ 

   ଟୋକେଇ ହୋଇଲା ଖାଲି୧

ଖାଲି ଟୋକେଇ ଟି ଆଲିଙ୍ଗନ କରି

  ଗୃହେ ବାହୁଡ଼ି ଆସିଲି

ସବୁରି ଓଠ ରେ କିଛି ଦିନ ପାଇଁ 

  ହସ ଯାଇଥିଲା ଖେଳି ୨

ଆଉ ଦିନେ ଦୁଃଖ ଟୋକେଇ ମୁଣ୍ଡେଇ

   ମଝି ରାସ୍ତା ରେ ଥୋଇଲି

ଆଡ ନୟନ ରେ କେହି ଚାହିଁ ଲେନି

  ଦୁଃଖ ପଡ଼ିଲା ଉଛୁଳି ୩

ନଗର ଦାଣ୍ଡ ଠୁ ଗଳି କନ୍ଦି ସବୁ

   ଟୋକେଇ ଧରି ବୁଲିଲି

ମୁଠେ ମଧ୍ୟ କେହି ନେଲେନି ମାେ ଠାରୁ

  ଶ୍ୱାସ ରୁଦ୍ଧ ହୋଇଗଲି ୪

ଭୁଲିଗଲେ ବୋଧେ ସଭିଏଁ ସେଦିନ

  ଇଏ ପରା ସେଇ ଲୋକ

କେତେ ବାଣ୍ଟୁଥି ଲା ସୁଖ ର ପସରା

  ଆଜି କାଇଁ ବିକେ ଦୁଃଖ? ୫

ବୁଝିଲି ସେ ଦିନ ଏ ମାୟା ସଂସାର 

  କେହି ତ ନୁହେଁ କାହାର

ଦୁଃଖ ସୁଖ ସବୁ ଯାହା ଅର୍ଜି ଥିବି

  ନେଇ ଯିବି ଆର ପୁର ୬