Library
Profile
ଟଙ୍କା
ଟଙ୍କା
ଟଙ୍କା ଟଙ୍କା ବୋଲି ଛାଡ଼ୁଛୁ ବୋବାଳି
ଲୋଭ କରନାହିଁ ବେଶି
ଅତି ଲୋଭେ ମୃତ୍ୟୁ ଜାଣିଛୁ ତୁ କିନ୍ତୁ
ମଶାଣିକୁ ଯିବୁ ଖାଲି ॥
ଅର୍ଥ ହିଁ ସର୍ବସ୍ବ ଆଧାର ଉତ୍ସ
ହେଜ'ହେ ମାନବ ଗଣ
ଅର୍ଥ ଉପାର୍ଜନ କରିବା ସଭିଏଁ
ସୁମାର୍ଗରେ ରହି ଜାଣ ॥
ପ୍ରାଦେଶିକ ଭାବେ ଭାରତ ବର୍ଷରେ
ଭିନ୍ନଭିନ୍ନ ନାମେ ଖ୍ୟାତ
ହିନ୍ଦୀରେ ରୂପିୟା ଓଡ଼ିଆରେ ଟଙ୍କା
ଧନ ଲକ୍ଷ୍ମୀଙ୍କର ବିତ୍ତ ॥
ଅଧଲା ପାହୁଲି ଚାରଣା ସୁଉକି
ଅଚଳନ୍ତି ମୁଦ୍ରା ରାଶି
ବିଗତ ଦିନର ଅଲିଭା ସ୍ମୃତିର
ଚିତ୍ରଲିପି ସାଜି ଅଛି ॥
>
କପର୍ଦ୍ଧକ ଶୂନ୍ୟ ଯଦି କେହି ଜାଣ
ଟଙ୍କାଟିଏ ନାହିଁ ପାଶେ
କେମିତି ମେଣ୍ଟିବ ଗୁଜୁରାଣ ତା'ର
ଦିନ ବିତେ ଉପବାସେ ॥
ମହଙ୍ଗା ଯୁଗରେ ଚଳିବ କେମନ୍ତେ
ସ୍ଵଳ୍ପ ଆୟକାରୀ ଜନ
ଅଳପ ଧନକୁ ବିକଳ ଏ ମନ
ଟଙ୍କାକୁ କୋଟି ଜୁହାର ॥
ଟଙ୍କାକୁ ମଣିବ ଯଦି ଗଣ୍ଠିଧନ
ସମ୍ପର୍କ ହୋଇବ କ୍ଷୁର୍ଣ୍ଣ
ମୁକ୍ତ ହସ୍ତେ କିଛି ଦାନ କର ଜାଣି
ଦୂର ହେବ ଅବସର୍ଣ୍ଣ ॥
ଏ ମଣି କୁମାର ତୁ ଯେ ଟଙ୍କା ଧନ
ସଭିଏଁ ତୋ ଅଧୀନରେ
ଗରିବ କଲ୍ୟାଣେ ସଦା ରହ ବାରେ
ପ୍ରତିଷ୍ଠିତ ସମାଜରେ ॥
